News Portal

  • भक्तपुरको दुधपाटीस्थित लिटिल वर्ल्ड स्कूलमा चुनावबाट चुनिए विद्यार्थीका प्रतिनिधि

    भक्तपुरपोस्ट संवाददाता भक्तपुर, ६ जेठ २०८०
    १२८५ पटक
    little world school bhaktapurभक्तपुर, ६ जेठ २०८०

    भक्तपुरको दुधपाटीस्थित लिटिल वर्ल्ड इङ्ग्लिस स्कूलमा विद्यार्थीका प्रतिनिधि चुनिएका छन् । निर्वाचन प्रक्रियाबाट विद्यालयमा विद्यार्थी प्रतिनिधि चुनिएका हुन् ।

    नयाँ शैक्षिक सत्र २०८० को लागि शुक्रबार सम्पन्न निर्वाचनले विद्यालयका कप्तान, उप कप्तान सहित विभिन्न सदनका लागि कप्तान र उप कप्तान्‌ समेत चुन्ने काम सम्पन्न भएकाे विद्यालय संचालक समितिका अध्यक्ष प्रकाश दुवालले जानकारी दिए । शुक्रबार मतदान सम्पन्न भएपछि शनिवार मतगणना सम्पन्न गरिएको थियो ।

    निर्वाचन अधिकृतको कार्यालय, मतादाता नामवली रुजु गर्ने निर्वाचन अधिकारीहरु,गोप्य मतदान गर्ने स्थल, मतपत्र र मतपेटिका लगायतको संरचना तथा तयारीले राष्ट्रिय निर्वाचनकै झल्को दिएको देखिन्थ्यो । निर्वाचनमा कक्षा ६ देखि कक्षा १० सम्म विद्यार्थीले विभिन्न पदका लागि उम्मेदवारी दिएका थिए भने कक्षा ३ देखि १० सम्मका सम्पूर्ण छात्र तथा छात्राले मतदान गरेका प्रिन्सिपल जगेबुले जनाएका छन् । निर्वाचनमा करिब ४ सय विद्यार्थी सहभागी भएका थिए ।

    निर्वाचन प्रणालीवाट आफ्ना प्रतिनिधी छनोट गर्दा प्रजातान्त्रिक हुने र यस क्रममा अवलम्बन गरिएका प्रक्रियाले विद्यार्थीहरूलाई निर्वाचन सम्बन्धि व्यवहारिक ज्ञान तथा सिप प्रदान हुने भएकोले निर्वाचन कार्यक्रम गरिएको निर्देशक एवं सामाजिक शिक्षक भुपाल श्रेष्ठको भनाइ छ । विद्यार्थीहरुलाई निर्वाचन तथा मतदानकाे प्रत्यक्ष अनुभव गराउने उद्देश्यले राष्ट्रिय निर्वाचन जस्तै गरि एकसाताको निर्वाचन कार्यतालिका सार्वजनिक गरि सम्पूर्ण प्रक्रिया पुरा गरिएको उनले बताए ।

    शुक्रवारको मतदानका लागि अघिल्लो शुक्रवार देखि नै विद्यार्थी निर्वाचन प्रक्रियामा सहभागी भएका थिए । समर्थक र प्रस्तावक सहित उमेरदवारी दर्ता, प्रचारप्रसार, घरदैलो कार्यक्रम सहित मतदान, मतगणना र परिणाम घोषणा सम्म आइपुग्दा विद्यालयका विद्यार्थीहरु दंग देखिन्थे ।

    निर्वाचनबाट बिजयी विद्यार्थी प्रतिनिधिले विजय जुलुस निकाल्दा प्रतिस्पर्धी विद्यार्थीले स्वागत र बधाई ज्ञापन गरेका थिए । प्राप्त मतपरिणाम अनुसार विद्यालय कप्तानमा कक्षा १० की छात्रा प्रसीमा थापा निर्वाचित भएकी छन् भने उप कप्तानमा कक्षा ८ की हिमानी श्रेष्ठ निर्वाचित भइन ।

    त्यसैगरी ब्लु हाउसमा दिवान थापा र निर्जल कार्की, ग्रिनहाउसमा प्रतिक थापा र आयुष यादव, रेड हाउसमा अधिका थापामागर र सक्षम घिमिरे तथा एल्लो हाउसमा बिनिसा मल्ल र तनुज श्रेष्ठ क्रमस कप्तान र उप कप्तान निर्वाचित भएका छन् ।

    निर्वाचन प्रक्रियाबाट कुनै पनि पद‌मा चयन हुँदा विद्यार्थीहरुमा स्वच्छ प्रतिष्पर्धाको संस्कार विकास हुने विश्वास व्यक्त गर्दै जिल्ला निर्वाचन कार्यालय भक्तपुरका प्रमुख नरेन्द्र न्यौपानेले विद्यालयले निर्वाचन गराएकोप्रति खुशी व्यक्त गरेका छन् । निर्वाचनका लागि जिल्ला निर्वाचन कार्यालय भक्तपुरले मतपेटिकाको व्यवस्था गरिदिएको थियो ।

     

    प्रतिकृया दिनुहोस्

    संकटमा गुरु-शिष्य सम्वन्ध

    “गुरु ब्रह्मा, गुरु विष्णु, गुरु देवो महेश्वर, गुरु साक्षात् परमं ब्रह्मा तस्मै श्री गुरुवे नमः”...

    दोलखाको प्रसिद्ध भीमेश्वरमा पसिना, अनिष्ट हुने मान्यता

    दोलखाको प्रसिद्ध भीमेश्वर मन्दिरको शिलामा पसिना आएको छ । भीमसेनको मूर्तिमा शनिबार दिउँसो १: ४७...

    कांग्रेस संसदीय दलको प्रमुख सचेतकमा सांसद घिमिरे

    नेपाली कांग्रेस संसदीय दलको प्रमुख सचेतकमा सांसद श्याम घिमिरे मनोनित भएका छन् । घिमिरे सिन्धुली-२...

    उच्च भोल्टेज प्रवाह हुँदा रेडियो मस्तीमा क्षती

    भक्तपुरमा उच्च भोल्टेज प्रवाह हुँदा रेडियो मस्तीमा क्षती पुगेको छ । सूर्यविनायक-८ स्थित रेडियो मस्तीका...

    हनुमन्ते खोलामा हाम फालेका युवकको उद्धार

    hanumante

    भक्तपुरको हनुमन्ते खोलामा हाम फालेका मानिसको उद्धार गरिएको छ । स्थानीय र प्रहरीले उनको उद्धार...