भक्तपुर, ६ जेठ २०८०नेकपा(एकीकृत समाजवादी) भक्तपुर नगर कमिटीको प्रथम नगर अधिवेशन सम्पन्न भएको छ । नयाँ नेतृत्व चयन गर्दै शनिवार अधिवेशन सम्पन्न भएको हो ।
बाराहीस्थानमा सम्पन्न अधिवेशनको बन्द सत्रले राजनीति शास्त्रमा विद्यावारिधी गरेका डा राजेन्द्र कोजूको अध्यक्षतामा नयाँ कार्यसमिति चयन गरेको निवर्तमान अध्यक्ष प्रविन बाटीले बताएका छन् । कार्यसमिति ९ सदस्यीय रहेको र सिंगो कार्यसमिति नै निर्विरोध निर्वाचित भएको उनको भनाइ रहेको छ ।
पूर्व केन्द्रीय मन्त्री समेत रहेका पार्टीका उपमहासचिव गङ्गालाल तुलाधरले उद्घाटन गरेको अधिवेशनमा उनले समसामयिक राजनीतिको बारेमा प्रशिक्षण दिएका थिए भने जिल्ला अध्यक्ष श्याम सुन्दर बस्नेतले जिल्लामा पार्टीको अवस्था बारे जानकारी गराउदै संगठन निर्माणमा लाग्न निर्देशन दिएका बताइएको छ ।
उक्त अवसरमा केन्द्रीय नेता एवं भक्तपुर २ बाट निर्वाचित प्रदेश सांसद डा राजेन्द्रमान श्रेष्ठ लगायतको आतिथ्यता रहेको थियो ।