News Portal

  • बागमती प्रदेश सरकारले जगायो आश : हेर्नुस् नीति तथा कार्यक्रमको पूर्णपाठ

    भक्तपुरपोस्ट संवाददाता भक्तपुर, १४ जेठ २०८०
    २६८ पटक
    भक्तपुर, १४ जेठ २०८०

    बागमती प्रदेश सरकारले आगामी आर्थिक वर्ष २०८०/०८१ को नीति तथा कार्यक्रम सार्वजनिक गरेको छ । आइतबार प्रदेश सभामा प्रदेश प्रमुख यादवचन्द्र शर्माले सरकारको नीति तथा कार्यक्रम सार्वजनिक गरेका हुन् ।

    सार्वजनिक गरिएको नीति तथा कार्यक्रम हेर्दा बागमती प्रदेश सरकारले उत्पादन र रोजगारिको क्षेत्रमा जोड दिएको देखिन्छ । १ वडा र पालिकालाई पकेट क्षेत्र घोषणा गरेर सामुहिक उत्पादनमा आधारित अनुदान कार्यक्रम संचालन गरिने बताइएको छ ।

    महिला र यवालाई आर्थिक रुपमा सबल बनाउन गृहणी महिला र बेरोजगार युवालाई स्वरोजगार बनाउनका लागि सीप,पुँजी र प्रविधि प्रदान गर्ने कार्यक्रम अघि सारिएको छ ।

    बाझो जग्गामा सामुहिक फलफुल खेती र करार खेतीको परिकल्पना गरिएको छ ।प्रदेशमा लगानी मैत्री बाताबरण बनाउन प्रदेशमा स्थापना हुने उद्योगका लागि आवश्यक भौतिक पुर्वाधार निर्माणमा सहयोगको नीति अवलम्बन गरिएको छ ।

    त्यसैगरी कृषी प्रशोधन गरि मूल्य शृङ्खला शृजना गर्ने किसान समूह, सहकारी र उद्योगलाई सहयोग गर्ने, बजेटलाई सबै किसानको पहुचमा अनुदान पुर्याउने कार्यक्रम बनाइएको छ ।

    निर्यातजन्य उपज मा अनुदान र कृषकलाइ कृषी बजार, कृषि पुर्वाधार र प्रविधिमा लगानी गर्ने र स्मार्ट फार्मिङ गर्ने घोषाना गरिएको छ ।

    त्यसैगरी भौतिक पुर्वाधार तर्फ न्युनतम मापदण्ड भन्दा तलका योजनामा रकम बिनियोजन नगर्ने नीति लिएर कनिका छरेजस्तो बजेट छर्नु भन्दा ठुला योजना अघि सारिएको छ । एकीकृत शहरी पुर्वाधार निर्माण गर्ने, प्रादेशिक सडकहरुको मापदण्ड बनाइ कार्यान्वयन गर्ने, सहरी जाम कम गर्न अन्डर पास र फ्लाइ ओभर निर्माण गर्ने,उपत्यकाको नदिहरुमा करिडोर निर्माण गर्ने,शुरुङ मार्ग निर्माणको कार्य अगाडि बढाउने, पूर्ण उज्यालो प्रदेश निर्माण गर्ने नीति तथा कार्यक्रममा उल्लेख छ ।

    सामाजिक बिकासअन्तर्गत शिक्षा तर्फ प्रदेश अस्पतालहरुको स्तर वृद्धि गर्ने, आधारभुत विद्यालय सम्म पूर्ण निशुल्क शिक्षाको ग्यारेन्टी गर्ने विद्यार्थी शिक्षक र पाठ्यक्रम केन्द्रित सुधार अगाडि बढाउने र प्रदेश विश्व विद्यालय स्थापना गर्ने उद्घोष गरिको छ ।

    त्यस्तै स्वास्थ्य सेवा तर्फ किशोरिहरुलाई पाठेघरको क्यन्सर विरुद्ध खोप लगाउने, मुख्यमन्त्री जनता स्वास्थ्य कार्यक्रम बिस्तार गरि समुदाय सम्म पुर्याउने नीति तथा कार्यक्रममा समेटिएको छ ।प्रादेशिक अस्पतालमा नवजात शिशुहरुको जीवन रक्षाको लागि नवजात शिशुको सघन उपचार कक्ष (NICU) को स्थापना र स्तरउन्नति गरिने छ । मातृ तथा नवजात शिशु मृत्युदर कम गर्न ICU/ NICU सवा प्रदायक संस्थासग सझौता गरि नि:शुल्क सेवा प्रदान गर्ने व्यवस्ता मिलाइने बताइएको छ ।

    गरिब घर परिवार पहिचान गर्ने र यसै बर्षमा कक्षा १२ सम्म पढाई हुने सबै विद्यालयमा नर्स पुर्याउने समेत नेती तथा कार्यक्रमले स्पष्ट पारेको छ ।

    बन तथा वातावरणको संरक्षण गर्ने र शहरी क्षेत्रमा हरियाली प्रवर्द्धन गर्ने मात्र नभई बनलाई उत्पादनसंग जोडन सरकारी कार्यालयमा अनिवार्य स्वदेशी काठ प्रयोग गर्ने नीति लिइएको छ ।

    पर्यटन सस्कृतीको बिकाश गर्न सन २०२४ लाई पर्यटन भ्रमण बर्षको रुपमा मनाउने र होम स्टे बिस्तार गर्ने नीति तथा कार्यक्रम रहेको छ । तामाङ र नेपाल भाषालाई सरकारी काम काजको भाषाको रुपमा बिकास गर्ने नीति तथा कार्यक्रममै उल्लेख छ ।

    सरकारले दीगो विकासको अवधारणा अनुसार गरी नीति तथा कार्यक्रम तय गरेको र आगामी आर्थिक वर्षमा प्रदेशले उत्पादन, रोजगारी, सामाजिक विकास र सूचना प्रविधिको क्षेत्रमा ठुलो फड्को मार्ने मुख्यमन्त्रीका प्रमुख राजनीतिक सलाहकार डिपी ढकालले बताएका छन् । आर्थिक नीति, सामाजिक न्यायको माध्यमबाट प्रदेश समृद्धितर्फ जाने उनले जिकिर गरेका छन् ।

    हेर्नुस बागमती प्रदेश सरकारको नीति तथा कार्यक्रम

    niti tatha karyakram

     

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...