News Portal

  • सीटीइभीटीको जीप सुनकोशीमा खस्दा २ निर्देशक र एक अधिकृत बेपत्ता

    भक्तपुरपोस्ट संवाददाता भक्तपुर, १८ जेठ २०८०
    ५५५ पटक
    भक्तपुर, १८ जेठ २०८०

    भक्तपुरको सानोठिमीस्थित प्राविधिक शिक्षा तथा व्यवसायिक तालिम परिषद (सीटीइभीटी) को जीप सुनकोशीमा खस्दा २ निर्देशक सहित ३ जना बेपत्ता भएका छन् ।

    शुक्रवार बिहान सानोठिमीबाट खोटांगको दिक्तेल स्थित बहुप्राविधिक शिक्षालयतर्फ हिडेको जीप सिन्धुलीको गोलन्जोरमा अपराह्न करिब १२ बजे दुर्घटनामा परेको हो । खुर्कोट र घुर्मीको बीचमा गुड्दै गर्दा एक्कासी जीप सडकबाट सुनकोशी नदीमा खसेको थियो ।

    जीप सुनकोशीमा खस्दा निर्देशकद्वय कृष्ण केसी र यामप्रसाद भुर्तेल तथा अधिकृत भानु पौडेल बेपत्ता भएका छन् । चालक कृष्ण चौधरी भने सम्पर्कमा आएका स्थानीय प्रहरीले जनाएको छ । बेपत्ताहरुको खोजी कार्य भैरहेको प्रहरीको भनाइ छ ।

    दिक्तेल स्थित बहुप्राविधिक शिक्षालयमा पूर्व शिक्षा मन्त्री गिरीराजमणी पोखरेलसहित स्थानीय जनप्रतिनिधि र अगुवा सम्मीलित बैठकमा सहभागी हुन सीटीइभीटीको टोली त्यसतर्फ लागेको थियो । दुर्घटनाको खबरले सीटीइभीटीमा सन्नाटा छाएको छ । पूर्व शिक्षा मन्त्री गिरीराजमणी पोखरेल दिक्तेलबाट दुर्घटनास्थल तर्फ पुगिसकेका उनको सचिवालयले जनाएको छ । बेपत्ता भएका राष्ट्रसेवकको खोजी र उद्धारमा पोखरेलले सरकारसंग समन्वय गरिरहेका छन् ।

    बेपत्ता भएका निर्देशक केसी प्रशासन प्रमुख हुन् भने भुर्तेल योजना तथा नीति निर्माण महाशाखाका निर्देशक हुन् । त्यसैगरी पौडेल सीटीइभीटीको स्तर निर्धारण महाशाखाका अधिकृत रहेका छन् ।

    प्रतिकृया दिनुहोस्

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए प्रअ महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...