भक्तपुर, १५ असार २०८० भक्तपुर क्षेत्र नं. २ का सांसद दुर्लभ थापाले कृषीलाई विशेष प्राथमिकता दिनुपर्नेमा जोड दिएका छन् । नेपाल कृषिप्रधान देश भनिए पनि व्यवहारमा कृषी पेशा उपेक्षामा परेको बताउदै सांसद थापाले पेशाको सम्मान र व्यवसायीकरणका लागि कृषीलाई विशेष प्राथमिकता दिनुपर्नेमा जोड दिएका हुन् ।
राष्ट्रिय धान दिवसको अवसरमा शुक्रवार मध्यपुर थिमिको कमेरोटारमा आयोजित रोपाईं महोत्सवमा सांसद थापाले शहरीकरण र आधुनिकीकरणका नाममा खेतवारी र पेशा जोखिममा पर्दा पनि देश उत्पादनमा परनिर्भर बन्नु परेको बताए ।
त्यसैगरी किसानले सहज तरिकाले मल पाउन नसक्नु र उनन्त बिउविजन र कृषी यन्त्र उपलब्ध गराउन नसक्नुका कारण पनि सोचेजति उत्पादन गर्न नसकिएको उनको भनाइ छ । ”यी सबै दायित्व सरकारले पुरा गर्नुपर्छ ।” उनले प्रष्ट पारे ।
उनले संसदमा सबै दलका नेताहरुले समस्या पोख्ने तर समाधानका उपायका बारेमा छलफल नै नहुने गरेको गुनासो गर्दै संसद समाधान खोज्ने भन्दा समस्या थुपार्ने थलोको रुपमा मात्र प्रयोग भैरहेको अनुभव सुनाए ।
सांसद थापाले भक्तपुर हिजो अन्नको भण्डार भएको र अझैपनि तरकारीमा आत्मनिर्भर रहेको भन्दै अन्नबाली र तरकारी आयात गर्नुपर्ने परिस्थिति अन्त्यको अगुवाई भक्तपुरले गर्नसक्ने बिश्वास ब्यक्त गर्दै तीनै तहका सरकारको ध्यानाकर्षण समेत गराए ।