News Portal

  • वर्षाले रोक्न सकेन सानोठिमीमा भैरहेको रोजगार मेलाको आकर्षण

    भक्तपुरपोस्ट संवाददाता भक्तपुर, १६ असार २०८०
    २७७ पटक
    भक्तपुर, १६ असार २०८०

    सानोठिमीस्थित आदर्श माविमा मध्यपुर थिमि नगरपालिकाले आयोजना गरेको वृत्ति मार्गदर्शन एवं रोजगार मेलामा विद्यार्थी र युवाको उल्लेखनीय आकर्षण देखिएको छ । विद्यार्थी र बेरोजगार युवा लाभान्वित हुने भनेर प्रचार गरिएको यस मेलाको आकर्षणलाई वर्षाले समेत रोक्न सकेको छैन ।

    शनिवार बिहान वर्षाकै बीच उद्घाटन गरिएको मेलामा सहभागीहरु छाता ओढेरै आइरहेका छन् । साथीहरुको समूह बनाएर विद्यार्थी र युवाले मेलामा राखिएका स्टलहरु अवलोकन गरिरहेका छन् ।

    विद्यार्थीहरुले प्राविधिक तथा व्यवसायिक तालिमबारे बढी चासो राखेका देखिन्छन भने बेरोजगारलाई रोजगार दिन भनेर राखिएका स्टलहरु पनि भरिभराउ छन् ।

    मेलामा विभिन्न व्यवसाय, उद्योग र कम्पनीहरुले नगर भित्रका धेरै युवालाई उनीहरुको योग्यता अनुसार रोजगारी दिने नगर प्रमुख सुरेन्द्र श्रेष्ठले जनाएका छन् । मेलामा विद्यार्थी र बेरोजगार युवाका लागि मात्र नभई सन्तानको उज्जवल भविश्य चाहने अभिभावकहरु, नगरका बुद्धिजीवी र समाजसेवी लगायतको समेत सहभागीता रहेकाले आफूहरुलाई उत्साहित बनाएको उपप्रमुख विजय कृष्ण श्रेष्ठले बताए ।

    रोजगारको खोजीमा रहेका युवा र वृत्ति बिकास खोजिरहेका विद्यार्थीहरुलाई वृत्ति मार्ग निर्देशन गर्ने तथा उनीहरुको भेट रोजगारदाता र सेवा प्रदान गर्ने सरकारी एवं गैह्र सरकारी निकायहरुसंग गराउने मुख्य उद्धेश्यका साथ मध्यपुर थिमि नगरपालिकाले “वृत्ति मार्ग–निर्देशन तथा रोजगार मेला” आयोजना गरेको हो । मेलालाई ईन्स्योर परियोजना र हेल्भाटासले प्राविधिक सहयोग गरी सघाएका छन् भने ३७ स्टलबाट मेलामा आएकाहरुलाई सेवा प्रवाह गरिएको छ ।

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...