भक्तपुरपोष्ट संवाददाताभक्तपुर, १८ असार २०८०
भक्तपुर, १८ असार २०८०भक्तपुरमा मोटरसाइकलको ठक्करबाट घाइते भएका एक पैदलयात्रीको ज्यान गएको छ । चाँगुनारायण नगरपालिका-८ का ४२ वर्षीय ज्ञानेन्द्र लोचन घिमिरेको ज्यान गएको हो ।
गत असार १३ गते कमलविनायकबाट जितपुर जाँदै गरेको बाग्मती प्रदेश ०२-०२६ प. ०६५३ नम्बरको मोटरसाइकलले चाँगुनारायण नगरपालिका वडा न. ७ खरिपाटी हेल्मेटडाँडामा घिमिरेलाई ठक्कर दिएको थियो । ठक्करबाट उनी गम्भीर घाइते भएका थिए। उपचारको क्रममा सोमबार साँझ न्युरो अस्पताल काठमाडौंमा उनको मृत्यु भएको जिल्ला प्रहरी परिसर भक्तपुरका डिएसपी बसन्त पाठकले बताए ।
उक्त मोटरसाइकल चाँगुनारायण नगरपालिका-५ का २० वर्षीय राजन थापाले चलाएका थिए । मोटरसाइकल चालक थापालाई नियन्त्रणमा लिई घटना सम्बन्धमा अनुसन्धान भईरहेको प्रहरीको भनाइ छ ।