News Portal

  • शुक्रवार भक्तपुर अस्पतालको ११९ औं वार्षिकोत्सव : ओपिडी र इमर्जेन्सीको टिकट नि:शुल्क गरिने

    निशा कुस्मा भक्तपुर, २१ असार २०८०
    ४४८ पटक
    dr sumitra gautamभक्तपुर, २१ असार २०८०

    दुधपाटीस्थित भक्तपुर अस्पताल शुक्रवार १ सय १९ वर्ष पार गरी १ सय २० औं वर्षमा प्रवेश गर्दैछ । स्थापना दिवसको अवसरमा अस्पतालले विविध कार्यक्रम तय गरेको छ ।

    वार्षिकोत्सवको अवसरमा सेवाग्राहीका लागि निशुल्क टिकटको व्यवस्था गरिएको मेसु डा सुमित्रा गौतमले जनाएकी छन् । ओपिडी र इमर्जेन्सी दुबैतर्फको टिकट नि:शुल्क गरिएको डा गौतमले जानकारी गराएकी छन् । शुक्रवार पेइङ्ग तर्फ पनि शुल्क नलाग्ने उनको भनाइ छ । अस्पतालमा दैनिक करिब ८ सय नयाँ बिरामी स्वास्थ्य उपचारका लागि आउने गरेका छन् ।

    विक्रम सम्बत १९६१मा चन्द्रलोक डिस्पेन्सरीका नामबाट शुरु भएको पुरानो इतिहास बोकेको भक्तपुर अस्पताल वीर अस्पताल पछिको दोश्रो पुरानो अस्पताल हो । भौतिक पूर्वाधार र मेडिकल सुविधाको हिसावले पछि पारिएको र सरकारी अस्पतालको रुपमा भक्तपुरमा समेत हेपिएको यो अस्पताल प्रदेश सरकार मातहत आएपछि भने ठुलो फड्को मारेको छ ।

    भक्तपुर अस्पतालले स्थापना र संचालनको इतिहासमै पछिल्लो समय ठूलो विकाश गरेको छ । मेसु डा सुमित्रा गौतम नेतृत्वमा आएपछि प्रदेश सरकारको सहयोगमा १ सय १६ वर्षपछि भक्तपुर अस्पतालले आइसीयु सेवा शुरु गर्न सफल भएको देखिन्छ । आधा दर्जन भेन्टिलेटरसहित आइसीयु सेवा संचालन गर्न सफल भएपछि अस्पतालको साख ह्वात्तै बढेको छ भने २ दर्जन बेडसहित अस्पतालले एचडीयु सेवा समेत शुरु गरेको छ । त्यतिमात्र होइन, भक्तपुर अस्पतालमा ल्याप्रोस्कोपी सर्जरी समेत शुरु भएको छ । ल्याप्रोस्कोपी सर्जरी भनेको दूरबिनबाट गरिने शल्यक्रिया हो । यो सर्जरी शुरु भएसंगै काठमाडौ गएर सर्जरी गर्नुपर्ने दिनको अन्त्य भएको छ ।

    विभिन्न रोगको बिशेषज्ञ चिकित्सक सहित सेवा दिइने यस अस्पतालमा बिर्सने रोग अल्जाइमर्सको नि:शुल्क उपचार हुने गर्दछ । भक्तपुर अस्पतालमा मुख्यमन्त्री जनता स्वास्थ्य कार्यक्रम समेत शुरु भएको छ । मुख्यमन्त्री जनता स्वास्थ्य कार्यक्रम अन्तर्गत नसर्ने रोग पहिचानका लागि परीक्षण, परामर्श र व्यवस्थापन सम्बन्धी सेवा यहाँ नि:शुल्क प्रदान गरिन्छ । भक्तपुर अस्पतालको सिफारिसमा प्रदेश सरकारले क्यान्सर रोगका बिरामीका लागि रु १ लाख उपचार खर्च प्रदान गर्दै पनि आएको छ । यहाँ जेष्ठ नागरिक, बिपन्न, असक्त र असहायका लागि निशुल्क उपचार र औषधी समेतको व्यवस्था रहेको छ ।

    शुक्रवार स्थापना दिवसको अवसरमा भक्तपुर अस्पतालको अल्पकालीन र दीर्घकालीन बिकास योजना समेत सार्वजनिक गर्ने तयारी रहेको अस्पतालकी मेसु डा गौतम र अध्यक्ष रमण कायस्थले बताएका छन् ।

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...