तीनै तहका सरकार मध्ये बागमती प्रदेश सरकारले पुजीगत खर्च बढी गर्ने सामर्थ्य देखाएको छ भने बागमती प्रदेश सरकारको पूर्वाधार विकास कार्यालय, काभ्रे सर्वाधिक पूजीगत खर्च गर्ने विकासे अड्डा बन्न पुगेको छ । बागमती प्रदेश सरकारको पूर्वाधार विकास मन्त्रालय अन्तर्गत रहेको पूर्वाधार विकास कार्यालय, काभ्रे सर्वाधिक पुजीगत खर्च गर्ने कार्यालय बन्न सफल भएको हो ।

पुर्वाधार बिकास कार्यालय काभ्रेले आर्थिक बर्ष ०७९/८० मा आफ्नो बजेटको अधिकतम उपभोग गरेको कोलेनिका काभ्रेले पुष्टि गरेको छ । अघिल्लो वर्ष भन्दा ४० प्रतिसत बढी बजेट उपभोग गर्न कार्यालय सफल भएको हो ।

आर्थिक बर्ष ०७९/८० मा कुल बजेटको ९३.२२% खर्च गर्दै कार्यालय बागमती प्रदेशको प्रगति विवरणमा पहिलो बनेको कार्यालयका लेखा अधिकृत श्रवण कुमार ढुंगानाले बताए । यस आर्थिक बर्ष ०७९/८० मा कार्यालयको कुल बजेट २ अर्ब ७५ करोड १७ लाख ७२ हजार ९ सय ६० मध्ये पुजिगततर्फ २ अर्ब ३८ करोड ११ लाख ६४ हजार ४ सय ९४ र चालुतर्फ १ करोड ९७ लाख ५ सय ४१ गरी कुल बजेटको ९३.२२% खर्च गर्दै कार्यालय बागमती प्रदेशमा प्रगति विवरणमा पहिलो बनेको कार्यालयका लेखा अधिकृत श्रवण कुमार ढुंगानाले जानकारी दिएका हुन् ।                                                             पूर्वाधार बिकास कार्यालय काभ्रेका कार्यालय प्रमुख इन्जिनियर भरत कुमार यादव रहेका छन् । अघिल्लो आर्थिक वर्ष०७८/७९ मा कुल बजेटको ५३.६२% मात्र खर्च गरेको कार्यालयले यादव नेतृत्वमा आएपछि भने प्रदेशको सबै पूर्वाधार बिकास कार्यालयलाई उछिन्दै यस आर्थिक वर्षमा ९३.२२% खर्च गर्न सफल भएको छ ।

यादव नेतृत्वको पूर्वाधार विकास कार्यालय, काभ्रेले काभ्रेपलाञ्चोक र भक्तपुरका योजनाहरु कार्यान्वयन गर्ने जिम्मा पाएको छ । आफ्नो कार्यालयको टिमवर्क, माथिल्लो निकायको साथ् र निर्माण ब्यावसायी एवं उपभोक्ता समितिहरुको सहयोगका कारण कार्यालयले समयमै काम सम्पन्न गर्न सकेकाले पुजीगत खर्च बढी गर्न सकिएको कार्यालय प्रमुख भरतकुमार यादवले बताएका छन् ।

भौतिक पुर्वाधार विकास मन्त्रालय मातहतका सबै कार्यालयहरुको यस आर्थिक बर्ष ०७९/८० को औषत कुल खर्च प्रतिशत भने पुजीगततर्फ ७१.३३% र चालुतर्फ ७५.६८% रहेको बताइएको छ ।