News Portal

  • चाँगुनारायण सिटी, एभोकाडो सिटी अभियान शुरु

    केतिक्षा बस्नेत चाँगुनारायण, ३१ असार २०८०
    ४९३ पटक
    changunarayan avocadoचाँगुनारायण, ३१ असार २०८०

    भक्तपुरको चाँगुनारायणमा ‘चाँगुनारायण सिटी, एभोकाडो सिटी’ अभियान शुरु भएको छ । आइतवार एक औपचारिक कार्यक्रमका बीच अभियान शुभारम्भ भएको हो ।

    अभियानले चाँगुनारायण नगरभित्र प्रत्येक घरपरिवारलाई एभोकाडो फलको बिरुवा लगाउन प्रेरित गर्ने र प्रति घर २ वटा बिरुवा समेत नि:शुल्क प्रदान गर्ने लक्ष लिएको अभियानका संयोजक नरेश खड्काले जनाएका छन् । ‘यस अभियानलाई ३ वर्ष सम्म संचालन गरी चाँगुनारायण सिटीलाई एवोकाडो सिटीको पहिचान दिने हाम्रो प्रयास रहनेछ ।’ संयोजक खड्काले भने ।

    यस अभियानका परिकल्पनाकार भने बागमती प्रदेश सरकारको मुख्यमन्त्रीका प्रमुख राजनीतिक सल्लाहकार एवं बौद्धिक नेता डिपी ढकाल रहेका छन् । अर्थशास्त्रका ज्ञाता समेत रहेका ढकालले चाँगुनारायणका स्थानीयको आय आर्जन बढाउँन यस्तो योजना अघि सारेपछि यसलाई अभियानकै रुपमा संचालन गर्न लागिएको अभियन्ताहरु बताउछन । अर्थ राजनीतिका पुस्तक समेत लेखेका नेता ढकाल अभियानको मुख्य संरक्षक र उत्प्रेरक रहेका छन् ।

    चाँगुनारायण सिटी, एभोकाडो सिटी अभियान शुभारम्भ कार्यक्रमलाई सम्बोधन गर्दै मुख्यमन्त्रीका प्रमुख राजनीतिक सल्लाहकार एवं अभियानका मुख्य संरक्षक ढकालले आफू चाँगुनारायणबासी पनि भएको भन्दै अभियान जनस्तरमा सबै स्थानीयको सहभागिता र पहुँचमा संचालन हुने विश्वास व्यक्त गरेका छन् । प्रकृती र पूर्खाको इतिहासले आफ्नो पहिचान बनाएको चाँगुनारायणलाई आफ्नो पुस्ताले एभोकाडो सिटी बनाएर नयाँ पहिचान जोड्न खोजेको उनले जिकिर गरे । यस अभियानले चाँगुनारायणका प्रत्येक घर परिवारमा कम्तिमा वार्षिक पचास हजार अतिरिक्त आय थपिने दावी गर्दै उनले चाँगुनारायणको सौन्दर्यकरण र वातावरण संरक्षणमा समेत यसले मद्दत पुर्याउने बताए ।

    कार्यक्रममा चाँगुनारायण क्षेत्रबाट निर्वाचित बागमती प्रदेश सभा सदस्य सुरेश श्रेष्ठले आफूले सोच्दै आएको कुरा कार्यान्वयन गरी ढकालले अभियानकै रुपमा संचालन गरेको बताउदै अभियानमा आफ्नो पूर्ण साथ् र सहयोग रहने प्रतिवद्धता प्रकट गरे । त्यसैगरी प्रदेश सभा सदस्य भुवनकेशरी श्रेष्ठ भावनाले जनस्तरमा संचालन भएको यो अभियानको सफलताको शुभकामना व्यक्त गर्दै आर्थिक सामाजिक सास्कृतीक रुपान्तरणका लागि जनताले चलाउने अभियानले देश बिकासमा टेवा पुग्ने बिचार व्यक्त गरिन ।

    कार्यक्रममा नेकपा(माओवादी केन्द्र)का भक्तपुर जिल्ला इन्चार्ज दिलिप प्रजापति भिष्म, जिल्ला संयोजक सुनिल बासु , राष्ट्रका लागि दुई घण्टा अभियानका अध्यक्ष मधु ढुंगेल र उपाध्यक्ष नरेश रंजित त्यसैगरी अभियन्ता एवं युवा नेता नेता दिनेश खनाल, वाइसीयलका केन्द्रीय सचिव एवं युवा नेता डिपी थपलिया, पूर्व प्रशासक दिलिप रायमाझी, पूर्व प्रहरी अधिकारी गिरी, स्थानीय जनप्रतिनिधि तथा नेप्सेम्याकका अभियन्ता लगायतको आतिथ्यता रहेको थियो । घोषणा सभाको औपचारिक संचालन चण्डिका लामिछानेले गरेकी थिइन् । कार्यक्रमका अतिथिहरुले चाँगुनारायण नगरपालिकाको तपा दम्फो स्थित सभाहल परिसरमा एभोकाडोको बिरुवा रोपेका थिए भने सहभागी २ सय बढी स्थानीयलाई एभोकाडोका बिरुवा निशुल्क प्रदान गरिएको अभियन्ता बिनोद लामिछानेले बताए ।

    के हो एभोकाडो
    नेपालमा सोखले रोपिने एभोकाडो एक मीठो र महँगो घिउफल हो । केही वर्ष यता यसलाई व्यवसायिक रुपले रोपिने क्रम बढ्न थालेको छ ।

    प्रशस्त भिटामिन, प्रोटिन र चिल्लो पदार्थ पाइने एभोकाडोको माग नेपालमा बढ्दै गएको छ भने विदेश समेत निर्यात गर्न सकिने भएकोले बजार नपाउने समस्या छैन । एभोकाडोको एउटा बोटले तीन क्विन्टलसम्म फल दिने र वार्षिक पचास हजार सम्म आम्दानी हुने बताइन्छ ।

    एभोकाडोको बोट मद्यम उचाइको हुने र सदाबहार हरियो रहने हुँदा यसले घर र शहरको सौन्दर्य बढाउँन, स्वच्छ वायु प्रवाह गर्न र वातावरण जोगाउन समेत मद्दत गर्दछ । भिडियोका लागि यो लिङ्कमा जानुहोस् https://fb.watch/lPSB_kk4ff/?mibextid=Nif5oz

    प्रतिकृया दिनुहोस्

    टिप्परमा स्कुटी ठोक्किँदा २१ वर्षीय युवकको निधन

    भक्तपुरमा टिप्परको पछाडि ठोक्किएर दुर्घटनामा परेका स्कुटी चालकको ज्यान गएको छ । ज्यान गुमाउनेमा तेह्रथुम...

    प्रदेशमा भक्तपुरका सांसद थापामगरको मन्त्री पद सुनिश्चित, श्रेष्ठको पनि सम्भावना कायमै

    भक्तपुर-२ (क) सूर्यविनायक क्षेत्रबाट निर्वाचित प्रदेश सभा सदस्य किरण थापामगर र भक्तपुर-१ (क) चाँगुनारायण क्षेत्रबाट...

    सत्ताका लागि खेलोफड्को गर्ने र अस्थिरताको दोष व्यवस्थालाई दिने भन्दै नेपालको कटाक्ष

    नेकपा एकीकृत समाजवादीका अध्यक्ष माधवकुमार नेपाल संसदमा बोल्दै थिए । प्रधानमन्त्री केपी ओलीले आफ्नो पक्षमा...

    प्रधानमन्त्री ओलीले पाए विश्वासको मत

    प्रधानमन्त्री केपी शर्मा ओलीले विश्वासको मत पाएका छन् । प्रतिनिधि सभाको आजको बैठकमा प्रधानमन्त्री ओलीले...

    संकटमा गुरु-शिष्य सम्वन्ध

    “गुरु ब्रह्मा, गुरु विष्णु, गुरु देवो महेश्वर, गुरु साक्षात् परमं ब्रह्मा तस्मै श्री गुरुवे नमः”...