बैतडीमा पहिरोले घर पुरिँदा आमा छोराको मृत्यु भएको छ ।

पुर्चौंडी नगरपालिका २ को भैरु टोलमा पहिरोमा घर पुरिँदा २५ वर्षीया अन्जु जागरी र उनका छोरा पाँच वर्षीय रिजन जागरीको मृत्यु भएको इलाका प्रहरी कार्यालय पाटनका प्रमुख, प्रहरी निरीक्षक कमल प्रसाद चौधरीले जानकारी दिए ।

घटनामा अन्जुका देवर गोब्बर जागरी, उनकी आमा रायमति जागरी र छिमेकी जस्मा बोहरा पनि घाइते भएका छन् ।

मृतक अञ्जुका श्रीमान भने रोजगारीको सिलसिलामा भारतमा छन् ।