News Portal

  • अनुदान बढाउँन र जिल्ला समन्वय समिति खारेज गर्न नगर प्रमुख प्रजापतिको माग

    भक्तपुरपोस्ट संवाददाता भक्तपुर, ८ साउन २०८०
    ४७६ पटक
    sunil prajapati sunilभक्तपुर, ८ साउन २०८०

    भक्तपुर नगरपालिकाका प्रमुख सुनिल प्रजापतिले सङ्घ र प्रदेशले समानीकरण अनुदानलाई बढाउँदै सशर्त बजेट घटाउँदै लानुपर्नेमा जोड दिएका छन् । अनुदान घटाउँदै सशर्त बजेट बढाउँदै लानु स्थानीय तहको स्वायत्तता र विकेन्द्रीकरणबिरुद्ध भएको भन्दै उनले सोकुरामा जोड दिएका हुन् ।

    राष्ट्रिय प्राकृतिक स्रोत तथा बित्त आयोगले आयोजना गरेको समानीकरण अनुदान कार्यसम्पादन सूचकबारेको छलफल कार्यक्रममा बोल्दै प्रमुख प्रजापतिले स्थानीय तहलाई बलियो बनाउने हो भने अनुदानलाई बढाउनुपर्ने प्रष्ट पारे । संघले पक्षपात, पूर्वाग्राही सोच राखेर भक्तपुर नपालाई ऐन र कानुनअनुसार पठाउनुपर्ने बजेट समेत नपठाई अन्याय गरेको उनले गुनासो गरेका छन्  ।

    स्थानीय तहलाई अधिकार सम्पन्न बनाउनुपर्नेमा जोड दिँदै उनले पहुँच र चाकडीकै भरमा बजेट विनियोजन हुनु न्यायोचित नभएको बताए । जिल्ला समन्वय समितिको औचित्यतामाथि व्यापक प्रश्न उठिरहेको जिकिर गर्दै उनले यसलाई खारेज गर्नुपर्ने बिचार व्यक्त गरेका थिए ।

    राष्ट्रिय प्राकृतिक स्रोत तथा बित्त आयोगका मा. सदस्य अमरराज मिश्रले संविधानविपरीत स्थानीय तहको समानीकरण बजेट कटौती भएको स्वीकार्दै समानीकरण अनुदान कार्यसम्पादन सूचकबारे स्थानीय तह आफै सजग हुनुपर्ने बताएका थिए ।

    नेपाल नगरपालिका संघका महासचिव एवम् घोराही नगरपालिकाका प्रमुख नरुलाल चौधरी, दमक नपाका रामकुमार थापा, गाउँपालिका राष्ट्रिय महासंघका अध्यक्ष, कालिका नपाका प्रमुख विनोद रेग्मी, धुनीबेसी नपा प्रमुख बालकृष्ण आचार्यलगायतले आआफ्नो बिचार व्यक्त गरेका थिए ।

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...