News Portal

  • भक्तपुर नगरपालिकामा कक्षा ११ को छात्रवृत्ति छनोट परीक्षा शनिबार

    केतिक्षा बस्नेत भक्तपुर, ९ साउन २०८०
    ७६६ पटक
    भक्तपुर, ९ साउन २०८०

    कक्षा ११ मा छात्रवृत्तिका लागि भक्तपुर नगरपालिकाले विद्यार्थीको परीक्षा मिति तय गरेको छ । छात्रवृत्तिका लागि साउन १३ गते शनिबार परीक्षा हुने भएको हो ।

    भक्तपुरको देकोचास्थित ख्वप माध्यमिक विद्यालयमा बिहान ८ बजे छात्रवृत्ति छनोट परीक्षा सञ्चालन गरिने नगरपालिकाको शिक्षा शाखा प्रमुख कृष्णप्रसाद कर्माचार्यले बताएका हुन् । भक्तपुर नगरपालिकाको छात्रवृत्ति छनोट परीक्षामा विज्ञान विषयमा ३ सय ७० जना, व्यवस्थापनमा ३ सय १५, मानविकीमा १३, शिक्षामा १९ र कानुनमा २६ गरी कूल ७ सय ४३ जना विद्यार्थीले आवेदन दिएका कर्माचार्यले जानकारी दिए ।

    भक्तपुर नगरपालिकाका प्रमुख सुनिल प्रजापतिले भक्तपुर नगरपालिकाभित्र कक्षा ११ र १२ सञ्चालित माध्यमिक विद्यालयमा छात्रवृत्तिलाई आवश्यक वर्गको पहुँचमा पुर्याउनपर्नेमा जोड दिएका छन् । हुनेखाने र टाठाबाठाबाट छात्रवृत्तिको दुरुपयोग नहुन दिन शिक्षा शाखालाई उनले सचेत गराएका छन् । प्रमुख प्रजापतिले निजी र सामुदायिक दुबैतर्फका विद्यालयका प्रधानाध्यापकहरुलाई बोलाएर छात्रवृत्तिका लागि सिफारिस गरिने विद्यार्थीहरुलाई बिना भेदभाव अध्यापन गर्न/गराउन निर्देशन समेत दिएका छन् ।

    नियमानुसार विद्यालयले कुल विद्यार्थी संख्याको १० प्रतिसत छात्रवृत्ति प्रदान गर्नु अनिवार्य रहेको छ । कतिपय विषयमा आवश्यक भन्दा कम आवेदन परेका छन् । भक्तपुरमा छात्रवृत्तिका लागि आवेदन दिनेको संख्या तुलनात्मकरुपले कम रहेको देखिन्छ । वडाले गलत सिफारिस नगर्दा आवेदक कम भएका नगरपालिकाले जिकिर गरेको छ ।आवेदक कम भएपनि विद्यालयले नियमानुसार दिनुपर्ने छात्रवृत्ति भर्ना भए मध्येका गरिब तथा जेहेन्दार विद्यार्थी हेरेर दिनुपर्नेमा कडाइ गरिएको नगरपालिकाले जनाएको छ ।

    तस्विर : सांकेतिक

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...