News Portal

  • भक्तपुरका पोखरी चिनाउन पदयात्रा

    केतिक्षा बस्नेत भक्तपुर, २० साउन २०८०
    ८८७ पटक
    भक्तपुर, २० साउन २०८०

    भक्तपुरमा सांस्कृतिक सम्पदा पदयात्रा गरिएको छ । “भक्तपुरका  पोखरी चिनौँ, सम्पदा संरक्षणमा अघि बढौँ” भन्ने नाराका साथ शनिबार पदयात्रा गरिएको हो ।

    ऐतिहासिक एवम् सांस्कृतिक नगरी भक्तपुरको भ्रमणमा आउने आन्तरिक एवं बाह्य पर्यटकहरूलाई नगरका विभिन्न स्थानमा छरिएर रहेका सम्पदाहरूबारे परिचित गराउने र स्थानीय जनतालाई सम्पदा संरक्षण कार्यमा उत्साहित गर्ने उद्देश्यले पदयात्रा गरिएको भक्तपुर नगरपालिकाले जनाएको छ ।

    पदयात्रामा भक्तपुर नगरपालिकाका प्रमुख सुनिल प्रजापति र उपप्रमुख रजनी जोशीका साथै जनप्रतिनिधि, सस्कृतीप्रेमी एवं सरोकारवाला सहभागी भएका छन् । भनपा वडा नं. ९ को लामगः पुखुबाट सुरु भएको सांस्कृतिक पदयात्रा नगाँचा – ग्वंग पुखु – क्वाठडौँ पुखु – तिनाछें – सलां गणेश पुखु – बसिकुलां नाग पुखु – दुगुमला – भोलाछें पुखु – अंचा पुखु – ब्यासी पुखु – ख्यो पुखु (धवाहिटी पुखु ) कालदह पुखु – नः पुखु – तः पुखु ( सिद्ध पोखरी) हुँदै न्हु पुखु (रानी पोखरी) मा समापन भएको छ ।

    सांस्कृतिक गतिविधि र स्थानीय उत्पादनलाई प्रवर्द्धन गर्न ठाउँ–ठाउँमा सांस्कृतिक प्रदर्शनी, खाद्य स्टल तथा मौलिक उत्पादनहरूको प्रदर्शनी तथा बिक्री केन्द्रहरूसमेत राखिएका छन् । ¥यालीमा हजारौंको संख्यामा नगरबासीहरुको उत्साहजनक सहभागिता रहेको थियो ।

    भक्तपुर नगरपालिका भरी नाम दर्ता गरेका सानाठूला सबै गरी ४२ पोखरीहरु रहेका छन् । त्यसमध्ये सानो बनाईएका २ पोखरीहरु गरी जम्मा ३४ वटा पोखरीहरु मात्र अस्तित्वमा छन् भने बाँकी ८ वटा पुरिइसकेका छन् । पुरिएका ८ पोखरीहरुमध्ये ३ वटामा हाल विद्यालय सञ्चालनमा छ ।

    नगर बनाउँदा नगरको स्वरुपलाई आर्कषण बढाउनको लागि नगर प्रवेशद्वार भित्र वा बाहिर तथा अन्य क्षेत्रहरुमा पोखरीहरु निर्माण गर्ने परम्परा रहेको विगतका वास्तुकला पनि उल्लेख भएको संस्कृतिविद् ओम धौवडेल बताउँछन् ।’ कुनै कारणबस आगलागी भयो भने त्यसलाई नियन्त्रण गर्न र जलचर प्राणीको प्रयोजनका लागि पहिले देखि नै ठाउँठाउँमा पोखरीको निर्माण गरेको इतिहासमा रहेको धौभडेलले बताएका छन् ।

    पोखरीको महत्वलाई ख्याल गरी संरक्षण र पुनः निर्माणको कार्य गरिएको नगर प्रमुख सुनिल प्रजापतिले बताएका छन् । भावी पुस्तासम्म पुग्दा पोखरीको महत्त्व अझै बढ्ने निश्चित भएको भन्दै नगर प्रमुख प्रजापतिले पोखरीलाई जीवन्त बनाइराख्न नगरपालिका प्रतिवद्ध रहेको प्रष्ट पारे । पोखरी संरक्षणमा नगरबासीहरुको साथ र सहयोग पाइरहेको बताउदै उनले नयाँ पुस्तालाई यसको महत्व बुझाउनुपर्ने आवश्यकता औल्याएका छन् । सोहीकारण पनि पदयात्रा गरिएको उनको भनाइ छ ।

    प्रतिकृया दिनुहोस्

    सूर्यविनायकको प्रमुख प्राथमिकतामा कृषि : नगरलाई दुध,मासु र अन्डाको हव बनाइने(पूर्णपाठसहित)

    सूर्यविनायक नगरपालिकाले आफ्नो नीति तथा कार्यक्रममा कृषि र पर्यटनलाई प्रमुख प्राथमिकतामा राखेको छ । नगर...

    भक्तपुरले उत्कृष्ट विद्यार्थी, शिक्षक र विद्यालय घोषणा गरी प्रोत्साहन गर्ने

    भक्तपुर नगरपालिकाले उत्कृष्ट विद्यार्थी, शिक्षक र विद्यालय घोषणा गरी प्रोत्साहनको नीति लिएको छ । शिक्षामा...

    हनुमन्ते अस्तव्यस्त,करोडौं फ्रिज गरी सरोकारवाला मस्त भन्दै नेता एवं अभियन्ता रंजित आक्रोशित

    hanumante naresh

    कुनैपनि समाजको सभ्यता त्यसको नदी र खोलानालासंग सम्बन्धित हुन्छ । भक्तपुरको हनुमती(हनुमन्ते) खोलाले पनि यहाँको...

    चाँगुनारायणका पूर्व मेयर मिश्रलाई मातृशोक

    चाँगुनारायण नगरपालिकाका संस्थापक मेयर एवं नेकपा(एमाले) का केन्द्रीय सदस्य सोमप्रसाद मिश्रलाई मातृशोक परेको छ ।...

    सूर्यविनायक नगरपालिकाको आफ्नै सडक संजाल र नगर यातायात हुनुपर्नेमा कांग्रेसको जोड

    नेपाली कांग्रेस सूर्यविनायक नगर समितिले स्थानीय सरकारलाई गम्भीर ध्यानाकर्षण गराएको छ । मंगलवार सो समितिले...