News Portal

  • बनेको एक महिनामै बिग्रियो ताथलीको सडक, माओवादी केन्द्रले गरायो सिडिओको ध्यानाकर्षण

    सुबिना केसी भक्तपुर, ३१ साउन २०८०
    ५७६ पटक
    भक्तपुर, ३१ साउन २०८०

    भक्तपुरको च्याम्हासिंह-ताथली–नाला सडकमा गरिएको कालोपत्र एक महिनामै बिग्रन थालेपछि स्थानीय आक्रोशित भएका छन् । सरकारी उदासिनता र ठेकेदार कम्पनीको लापर्बाहीका कारण सडक निर्माण सम्पन्न भएको एक महिनामै बिग्रिन शुरु भएको बताउँदै स्थानीय आक्रोशित भएका हुन् ।

    च्याम्हासिंह–ताथली–नाला सडकअन्तर्गत फैढोकाको पाँगो खानीदेखि माथिल्लो छाप सडक खण्डका ठाउँ–ठाउँमा गरिएको कालोपत्र बिग्रन थालेको हो । भक्तपुरको चाँगुनारायण नगरपालिका ९ मा पर्ने यो सडकखण्ड अरनिको राजमार्गको वैकल्पिक सडकको रूपमा समेत व्याख्या गर्ने गरिन्छ । तर, निर्माणको एक महिनामै सडक बिग्रन थालेपछि चिन्ता लागेको स्थानीय जगन्नाथ खत्रीले जनाएका छन् । स्थानीय हरेराम खड्काले सडक निर्माण सम्पन्न भएको एक महिनामै २२ ठाउँमा भत्किएर खाल्डाखुल्डी भएको जानकारी गराएका छन् । स्थानीय दिलकुमार बालाले सडक बनाउने नाममा सरकारी बजेटको स्वाहा पार्ने मात्र काम भएको बताए ।

    चिरा–चिरा पर्दै कालोपत्र उप्कन थालेकाले स्थानीय चिन्तित छन् । कमसल सामग्रीको प्रयोग र लापर्बाहीका कारण यस्तो भएको उनीहरुको बुझाइ छ ।

    स्थानीयको चिन्तालाई सम्बोधन गर्दै नेकपा(माओवादी केन्द्र)को स्थानीय कमिटीले औपचारिक रुपले सरकारको ध्यानाकर्षण गराएको छ । नेकपा (माओवादी केन्द्र)को चाँगुनारायण नगर समितिले यसबारे जिल्ला प्रशासन कार्यालय र डिभिजन सडक कार्यालयलाई ध्यानाकर्षण पत्र नै पेश गरेको अध्यक्ष नरेश खड्काले जनाएका छन् ।

    नगर इन्चार्ज रामभक्त खत्रीको नेतृत्वमा जिल्ला प्रशासन कार्यालय भक्तपुर पुगेको टोलीमा अध्यक्ष खड्का,उपाध्यक्ष सुमन दाहाल र बिनोद लामिछाने त्यसैगरी कोषाध्यक्ष जगन्नाथ खत्री र वाइसिएल इन्चार्ज दिपेश लामिछाने लगायत सहभागी रहेका नेता रामकुमार तामाङले जनाएका छन् । उक्त पत्रमा चाँगुनारायण- पौवा- साखु सडकको दुरावस्थाबारे समेत ध्यानाकर्षण गरिएको बताइएको छ ।

    ध्यानाकर्षण पत्र बुझ्दै प्रमुख जिल्ला अधिकारी खगेन्द्रप्रसाद रिजालले दुबै सडक अनुगमन गर्ने र कमजोरी देखिए आवश्यक कानुनी कारवाही अघि बढाउने आश्वासन दिएका एक सहभागीले जानकारी गराएका छन् ।

    प्रतिकृया दिनुहोस्

    भक्तपुरका बासुले ल्याए मोबाइल हराउन नदिने ‘एप’

    भक्तपुरका व्यवसायी सुवास बासुले मोबाइल हराउन नदिने एप्लिकेशन भित्राएका छन् । उनले भारतमा लोकप्रिय रहेको...

    एमाले भक्तपुरको अध्यक्षमा दोहोरिए देउजा

    नेकपा एमालेको भक्तपुर जिल्ला कमिटीको ९ औं अधिवेशनले नयाँ नेतृत्व निर्वाचित गरेको छ । सल्लाघारीस्थित...

    भक्तपुर एमालेमा २ प्यानल, मतदानबाट नेतृत्व निर्वाचित गरिँदै

    नेकपा एमालेको भक्तपुर जिल्ला कमिटीमा नयाँ नेतृत्व चयनका लागि निर्वाचन हुने भएको छ । सल्लाघारीस्थित...

    भक्तपुर निवासी पौडेल ३८ वर्षमै सहसचिव सिफारिस

    krishna paudel CDO

    बिराटनगर स्थायी ठेगाना भई भक्तपुरको मध्यपुर थिमी-३ निवासी गृह मन्त्रालयका उपसचिव कृष्ण पौडेल निजामती सेवाको...

    सर्लाही एमालेमा पुन: साहकै नेतृत्व, १२ मतले पछि परे प्रसाईं

    नेकपा एमाले जिल्ला कमिटी सर्लाहीको अध्यक्षमा राजकुमार साह निर्वाचित भएका छन् । सदरमुकाम मलंगवामा बुधबार...