‘चाँगुनारायण सिटी, एभोकाडो सिटी’ अभियान अन्तर्गत भोलि शनिवार चाँगुनारायण-५ छालिङमा एभोकाडोको बिरुवा बितरण गरिने भएको छ । अन्य सबै वडामा बिरुवा बितरण गरेको अभियानले बाकी रहेको वडा नम्बर ५ मा पनि शनिवार बिरुवा बितरण गर्ने भएको हो ।                                                                                                                                  शनिवार बिहान ७:३० बजे छालिङ्स्थित राधाकृष्ण माविमा बिरुवा बितरण राखिएको स्थानीय समेत रहेकी अभियन्ता चण्डिका लामिछानेले जानकारी दिएकी छन् । उक्त अवसरमा उपस्थित प्रत्येक घरपरिवारका लागि दुई वटाको दरले एभोकाडोको बिरुवा उपलब्ध गराइने उनले बताइन् ।                                                                                                 वडा नम्बर ५ मा शनिवार बिरुवा बितरण भएसंगै चाँगुनारायणका प्रत्येक वडामा एभोकाडोको बिरुवा पुर्याउन अभियान सफल हुने अभियन्ता दिनेश खनालले जनाएका छन् । अभियानका संयोजक नरेश खड्काले दिएको जानकारी अनुसार अभियान अन्तर्गत ३ हजार बढी घरमा ६ हजार बढी एभोकाडोका बिरुवा रोपिएका छन् ।                                                                                                         चाँगुनारायण नगरलाई एभोकाडोको शहर बनाउने परिकल्पना भने यहाँका बौद्धिक नेता एवं बागमती प्रदेश मुख्यमन्त्रीका प्रमुख राजनीतिक सल्लाहकार डिपी ढकालले गरेका अभियन्ता सुन्दर खनाल बताउँछन । डिपी ढकाल चाँगुनारायण सिटी, एभोकाडो सिटी’ अभियानका मुख्य संरक्षक समेत रहेका छन् । यस अभियान अन्तर्गत स्वतस्फूर्त रुपमा अभियन्ताहरु जोडिएका छन् र निशुल्क रुपमा स्थानीयलाई बिरुवा बितरण गरिरहेका अभियन्ता दिपेश लामिछानेको भनाइ छ । अभियानले ३ वर्षमा चाँगुनारायणका सबै घरमा एभोकाडो पुर्याउने र फलाउने लक्ष लिएको अभियन्ता रामकुमार तामाङले बताएका छन् ।