भक्तपुर, ५ भदौ २०८०भक्तपुर जिल्ला अदालतका मुख्य न्यायाधीश गोपालप्रसाद बास्तोला उत्कृष्ट सावित हुँदै सम्मानित भएका छन् । न्याय सम्पादनमा बागमती प्रदेश भित्र उत्कृष्ट भएपछि उनी सम्मानित भएका हुन् ।
नेपाल बार एशोसियशन भक्तपुर जिल्ला अदालत इकाइले उनलाई सोमबार एक कार्यक्रम गरी सम्मान गरेको हो । उच्च अदालत पाटनले मुद्दा फैसलाका आधारमा गरेको मूल्यांकनमा भक्तपुर जिल्ला अदालतका मुख्य न्यायाधिश बास्तोला उत्कृष्ठ ठहर भएकाले सम्मान कार्यक्रम गरी सम्मान पत्र प्रदान गरिएको बारका जिल्ला अध्यक्ष रविन्द्र प्रधानले प्रष्ट पारेका छन् । सम्मान कार्यक्रममा नेपाल बार एशोसियशनका केन्द्रीय अध्यक्ष गोपाल कृष्ण घिमिरेले मुख्य न्यायाधिश बास्तोलालाई बार एशोसियशनको तर्फबाट सम्मान पत्र प्रदान गरेका थिए ।
उक्त अवसरमा अध्यक्ष घिमिरेले देशैभरका अदालतमा बास्तोला जस्ता योग्य न्यायाधिश हुनुपर्ने आवश्यकता औल्याए । ढिलो न्याय दिनु अन्याय गर्नु बराबर भएको भन्दै उनले छिटोछरितो न्यायसम्पादन गर्न न्यायाधिशहरुले बास्तोलाबाट सिक्नुपर्ने बताए ।
गत आर्थिक वर्ष २०७८/७९ मा जिल्ला अदालत भक्तपुरका मुख्य न्यायाधीश गोपालप्रसाद बास्तोलाले ७ सय एकाउन्न मुद्दाको फैसला गरेका छन् । यो देशैभरका न्यायाधिशले एक वर्षमा गरेका फैसलाको दोश्रो ठुलो संख्या हो । आर्थिक वर्ष २०७८/७९ मा न्यायाधीश बास्तोलाले दशैभरका न्यायाधिश मध्ये सबैभन्दा धेरै मुद्दा फैसला गरेकाले सम्मानित भएका थिए । यस वर्ष निर्वाचनको जिम्मेवारी, बढुवा रोकिदाको तनावका बाबजुद उनले गरेको फैसलाले देशैभर दोश्रो हुन पुगे । हालसम्म जिल्ला न्यायाधिशले गरेको फैसला हेर्दा भने उनी पहिलो नै छन् । उनले १० हजार बढी मुद्दा फैसला गरेको रेकर्ड अरु जिल्ला न्यायाधिशले तोड्न सकेका छैनन् ।
gopal bastola