News Portal

  • यान्त्रिकताले संगठन बन्दैन, मतदाता नहुनेलाई नेता नबनाऔं : उपमहासचिव शर्मा

    भक्तपुरपोष्ट संवाददाताभक्तपुर, ५ भदौ २०८०
    ६१२ पटक
    भक्तपुर, ५ भदौ २०८०

    नेकपा(माओवादी केन्द्र) का केन्द्रीय उपमहासचिव एवं बागमती प्रदेश इन्चार्ज जनार्दन शर्मा ‘प्रभाकर’ले यान्त्रिकताले पार्टी संगठन नबन्ने बताएका छन् । उपत्यकामा कमजोर पार्टी संगठनलाई बलियो बनाउने हो भने यान्त्रिकता त्यागेर अघि बढ्नुपर्ने उनले बताएका हुन् ।

    मंगलवार पार्टीको भक्तपुर जिल्ला समन्वय समितिको बैठकलाई थिमिमा सम्बोधन गर्दै उनले पुरानै शैलीमा संगठन गर्न खोज्दा भक्तपुरको पार्टी संगठन बन्न नसकेको बताउदै संगठन निर्माणमा व्यवहारिक शैली अपनाउनुपर्ने आवश्यकता औल्याए । जनताले पार्टी मन पराउने तर पार्टीका नेता र कार्यकर्ता देख्दा डराउने वा, धकाउने स्थिति अन्त्य गर्नपर्ने बताउँदै इन्चार्ज प्रभाकरले जनताको सुखदु:खमा सहभागी भएर जनताको मन जित्नपर्नेमा जोड दिए ।

    समाजको इतिहास, धार्मिक/सास्कृतिक परम्परा, रितिरिवाज र रहनसहन अनुकूल भएर संगठन निर्माण गर्नुपर्ने उनको भनाइ छ । ”हेरेर वा भनेर होइन, अँगालो हालेर आफ्नोपनको आभाष दिनुस्, संगठन आफैं बन्छ ।” उनले भने । माओवादी केन्द्रका अधिकांश शहरी क्षेत्रका नेता स्थानीय नभएको र निर्वाचनका बेला आफ्नै क्षेत्र जाने भएकाले स्थानीयले नपत्याएको उनले टिप्पणी गरे । वडा देखि जिल्ला सम्मै प्रमुख पदमा बस्नेले अनिवार्य बसाइसराइ गरी स्थानीयसँग घुलमिल हुनुपर्ने उनको  सुझाव छ । ‘अब मतदाता नहुनेलाई मुख्य पदमा नेता नबनाऔं ।’ उनले भने ।

    भक्तपुरको इतिहास संग जोडिएका शंखधर शाख्वा:लाई आफ्नो पार्टीको सरकार हुँदा प्रधानमन्त्री प्रचण्डको पहलमा राष्ट्रिय विभूति घोषणा गरिएको भएपनि स्थानीय पार्टीले त्यसलाई जनता सामू स्थापित गर्न नसकेको उनले गुनासो गरे । स्थानीय जनताको भावनाको कदर गर्दै आफ्नो पार्टी नेतृत्वको सरकारले गरेका कामको बारेमा समेत बताउन नसकेपछि कसरी पार्टी बन्छ ? उनले प्रश्न गरे ।

    आफ्नो पार्टीले देशमा परिवर्तनको नेतृत्व गरेको र वर्तमानमा पनि पार्टी नेतृत्वको सरकारले सुशासनको लागि नमूना काम गरिरहेको उल्लेख गर्दै माओवादी केन्द्रलाई जनताले मन नापाराउने कुरै नहुने उनले जिकिर गरेका छन् । जनताको घर घरमा गएर पार्टी बारेको भ्रम चिरेर संगठन निर्माण गर्न उनले निर्देशन नै दिएका छन्  । ‘राजनीतिक भाषणबाजी नभई जानाताले बुझ्ने भाषामा हामीले गरेका कामले उहाँहरुको जीवनमा ल्याएको सकारात्मक परिवर्तनबारे प्रष्ट पार्नुस ।’ उनले भने ।

    उपमहासचिव शर्माले पार्टीका नेताकार्यकर्ता  उत्पादनसंग जोडिनुपर्ने आवश्यकता औल्याउँदै नेताकार्यकर्ताको जीवनशैली देखेर जनतामा आशा र भरोषा जाग्नुपर्नेमा जोड दिए । सामाजिक सास्कृतिक रुपान्तरणको नेतृत्व पार्टीले गर्ने उद्घोष गर्दै उनले विभेदपूर्ण जीवनयापन गर्ने नेताकार्यकर्ता पार्टीमा रहिरहन नसक्ने दावी समेत गरे ।

    पार्टीका नेताकार्यकर्ता पार्टी संगठन भन्दा पनि नेतामुखी हुँदा संगठन ध्वस्त भएको उनको बुझाइ छ । पार्टीमा निर्वाचनबाट जनवाद अभ्यास गरिने खुलासा गर्दै बागमती प्रदेश इन्चार्ज शर्माले कार्यकर्ताबाट चुनिएर मात्र नेता बन्न सक्ने सांगठनिक व्यवस्था गरिने बताए ।

    उक्त अवसरमा पार्टीका चारवटै नगर र जनवर्गीय संगठनको तर्फबाट संगठनिक अवस्थाबारे रिपोर्टिंग गरिएको र प्रदेश इन्चार्ज प्रभाकर, प्रदेश अध्यक्ष सरल सहयात्री त्यसैगरी पार्टीको विशेष अभियान अन्तर्गत भक्तपुर कार्यक्षेत्र परेका केन्द्रीय नेताहरुले अभियानको महत्व र कार्यभार बारे मार्गनिर्देश गरेका नेकपा(माओवादी केन्द्र)का जिल्ला संयोजक सुनिल बासुले बताए । उक्त अवसरमा जिल्लाका केन्द्रीय नेताहरु दिलिप प्रजापति, देवेन्द्र श्रेष्ठ, डिपी ढकाल, प्रतिमा श्रेष्ठ, इन्दिरा अधिकारी र उमा कपालीको समेत आतिथ्यता रहेको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...