भक्तपुरको मध्यपुर थिमिमा नेपाल–पाकिस्तान मैत्री महोत्सव सम्पन्न भएको छ । पाकिस्तानको स्वतन्त्रता दिवसको अवसर पारेर गरिएको ३ दिने महोत्सव शनिवार यचु पार्टी प्यालेसमा सम्पन्न भएको हो ।

सेन्टर फर एशियन स्टडिज भक्तपुरको आयोजना र महाकाली डान्स काउन्सिलको संयोजन रहेको महोत्सवमा पाकिस्तानी दूतावासको सहकार्यमा रहेको थियो । ३ दिन चलेको कार्यक्रममा बिभिन्न ३० विद्यालयका ७ सय भन्दा बढी विद्यार्थी सहभागी रहेका आयोजकको जिकिर छ । उक्त अवसरमा विद्यार्थीहरुबीच सांस्कृतिक नाँच, निबन्ध लेखन, हस्तलेखन, चित्रकला लगायतका प्रतियोगिता आयोजना गरिएको थियो । शनिवार प्रतियोगिताको फाइनलबाट उत्कृष्ट हुने विद्यार्थीलाई पुरस्कार प्रदान गरिएको छ ।

नेपाल स्थित पाकिस्तान दुतावासका अधिकारी उमैर अलीको प्रमुख आतिथ्यता रहेको कार्यक्रममा उनले पुरस्कार विजेता विद्यार्थीहरुलाई पुरस्कार वितरण गरेका थिए । पुरस्कार वितरण कार्यक्रमलाई सम्बोधन गर्दै उनले नेपाल पाकिस्तामं मित्रता सदैव सुमधुर रहने बिश्वास व्यक्त गर्दै आपसी सहयोग र सहकार्य बढाउदै लाने बताए ।