राजेशमान मानन्धर / भक्तपुरपोस्ट भक्तपुर, १३ भदौ २०८०
भक्तपुर, १३ भदौ २०८०गृह मन्त्रालयकी सहसचिव रुद्रादेवी शर्मा काभ्रेपलान्चोक जिल्लाको सिडिओमा सरुवा भएकी छन् । मन्त्रालयले उनलाई मंगलबार काभ्रे पठाउने निर्णय गरेको हो ।
शर्मा मन्त्रालय जानु अघि भक्तपुर र गुल्मी लगायतका जिल्लामा सिडिओ रही आफ्नो कार्यकाल बिबादरहित सम्पन्न गरेकी थिइन् । बाग्लुङ घर भएकी शर्मा गृह प्रशासनमा काविल प्रशासक हुन् । काभ्रेमा उनको सरुवा भए संगै काभ्रेले दोश्रो महिला सिडिओ प्राप्त गरेको छ । हाल सुनसरी सिडिओ रहेकी हुमकला पाण्डेले काभ्रेमा पहिलो महिला सिडिओको जिम्मेवारी पाएकी थिइन् ।
शर्मालाई काभ्रे सरुवा गरेको मन्त्रालयले त्यहाँका सिडिओलाई धनकुटा र धनकुटाको सिडिओलाई मन्त्रालय सरुवा गरेको मन्त्रालय श्रोतले जनाएको छ ।