भक्तपुर पोष्ट संवाददाता भक्तपुर, १३ भदौ २०८०
भक्तपुर, १३ भदौ २०८०सुन तस्करीमा संलग्नताको आरोपमा वाइसिएलका नेता राहुल महरा पक्राउ परेका छन् । उनी पूर्व उपप्रधान मन्त्री एवं पूर्वसभामुखका साथै नेकपा (माओवादी केन्द्र)का उपाध्यक्ष कृष्णबहादुर महराका छोरा हुन् ।
राहुल महरालाई पक्राउ गरी प्रहरीले ५ दिन हिरासतमा राख्ने अनुमति समेत लिएको छ । संगठित अपराधमा अनुसन्धानका लागि प्रहरीले १० दिन समय मागेको भएपनि जिल्ला अदालत काठमाडौले अनुसन्धानका लागि ५ दिनको समय दिएको हो ।
विद्युतिय चुरोट (भेप) मार्फत भएको करिव ९ किलो सुन तस्करीमा अनुसन्धानका लागि नेपाल प्रहरीको केन्द्रीय अनुसन्धान ब्यूरो (सीआईबी)ले माओवादी उपाध्यक्ष एव पूर्व गृह मन्त्री कृष्णबहादुर महराका छोरा राहुललाई बुधबार पक्राउ गरेको थियो ।
