भक्तपुर, १४ भदौ २०८०भक्तपुर प्रहरीले पेस्तोलसहित गएराति लोकन्थलीबाट एक जनालाई पक्राउ गरेको छ । मध्यपुर थिमी नगरपालिका वडा नं. १ लोकन्थली स्थितकखरा स्कुल नजिकैबाट उनलाई पक्राउ गरिएको हो । पक्राउ पर्नेमा उदयपुर बलैया नगरपालिका वडा नं. ५ घर भई हाल भक्तपुरको लोकन्थली बस्ने वर्ष ४० को जंगे माझी रहेका जिल्ला प्रहरी परिसर भक्तपुरका प्रवक्ता बसन्त पाठकले बताए । प्रहरी प्रभाग बालकोटबाट खटिएको प्रहरी टोलीले चेकजाँच गर्नेक्रम्मा शंकास्पद गतिविधि गरेको फेला पारी सोधपुछ तथा शरिर चेकजाँच गर्दा माझीको साथबाट २ थान कटुवा पेस्तोल, यसैको गोली १ राउण्ड सहित नियन्त्रणमा लिइएको डिएसपी पाठकले जानकारी गराएका छन् । माझी बा. ४३ प. ९००० नं. को निलो कलरको डियो स्कुटीमा सवार थिए । निज जंगे माझीसंगै रहेका यकिन ठेगाना नखुलेको अन्दाजी २८/३० बर्षको अश्विन दाहाल चेकजाँचकै क्रममा फरार भएको हुँदा हाल खोजतलास कार्य भईरहेको प्रहरीको भनाइ छ । प्रारम्भिक अनुसन्धानबाट निजहरुले लुटपाटको योजना बनाई रहेको भन्ने बुझिएको छ र सो सम्बन्धमा थप अनुसन्धान कार्य भई रहेको बताइएको छ ।