भक्तपुरपोष्ट संवाददाता भक्तपुर, १९ भदौ २०८०
भक्तपुर, १९ भदौ २०८०अख्तियारको कर्मचारी भएको भन्दै व्यापारीहरुलाई धम्क्याएको आरोपमा प्रहरीले जनकपुरमा दुई जनालाई पक्राउ गरेको छ ।
पक्राउ पर्नेमा हंसपुर नगरपालिका ३ घर भै जनकपुरधाम उपमहानगरपालिका–७ बस्ने अनिल सिंह र राहुल सिंह रहेका छन् । जिल्ला प्रहरी कार्यालय धनुषाका प्रवक्ता रहेका डीएसपी बेदप्रसाद गौतमले सिंहद्वयलाई पक्राउ गरिएको जानकारी दिएका हुन् ।
प्रहरॆअक अनुसार उनीहरुले रकम असुल गर्ने उद्देश्यले व्यापारीलाई धम्क्याएको पाइएको छ । ‘हामी अख्तियारको कर्मचारी हौं, पसलका कागजातहरू देखाउनुस्, पसलको खानतलासी गर्छौ, तपाईको पसल सिल गर्छौं’ भन्दै धाक धम्की दिई नगद रुपैयाँ असुल गर्ने तथा ठगी गर्ने गरेको पाइयो,’ डिएसपी गौतमले भने ।
उनीहरुलाई नियन्त्रणमा लिएर थप अनुसन्धान कार्य भैरहेको प्रहरीको भनाइ छ ।