News Portal

  • मन्त्रालयले दरबन्दी काट्दा भक्तपुर आयुर्वेदको फिजियोथेरापी ठप्प : स्थानीयलाई असुविधा

    रचना बयलकोटीभक्तपुर, २१ भदौ २०८०
    ८१७ पटक
    भक्तपुर, २१ भदौ २०८०

    बागमती प्रदेश सरकारको स्वास्थ्य मन्त्रालयले भैराखेको दरबन्दी काटिदिएपछि जिल्ला आयुर्वेद स्वास्थ्य केन्द्र भक्तपुरको फिजियोथेरापी सेवा अवरुद्ध भएको छ । चालु आर्थिक वर्षमा दरबन्दी नदिएपछि सेवा अवरुद्ध भएको हो ।

    बिहीवार आएकी एक सेवाग्राहीले केन्द्रबाट लिंदै आएको फिजियोथेरापी सेवा नपाएको गुनासो गरेपछि कार्यालय प्रमुखसंग सोबारे जिज्ञासा राख्दा यस वर्ष दरबन्दी कटौती भएकाले सेवा स्थगन गरिएको जानकारी गराए । जिल्ला आयुर्वेद स्वास्थ्य केन्द्र भक्तपुरका प्रमुख रहेका डा नरेन्द्र प्रसाद गिरीले जानकारी गराए अनुसार गत वर्ष फिजियोथेरापिष्टले कारारमा रही सेवा गरेका थिए । यो वर्ष उक्त दरबन्दी काटिएपछि सो सेवा सुचारु गर्न नसकिएको उनले बताए ।

    केन्द्रमा फिजियोथेरापि गर्न लाखौ खर्चिएर मेसिन खरिद गरिएको छ र फिजियोथेरापिष्टको तलब दिन बजेट पनि उपलब्ध रहेको बताइएको छ । तर, एकाएक मन्त्रालयले दरबन्दी काटिदिदा सो सुविधा लिइरहेका बिरामी मर्कामा परेका छन् ।

    पछिल्लो समयमा भक्तपुरमा आयुर्वेद उपचार प्रति बिरामीको आकर्षण बढेको छ । आर्थिक वर्ष २०७८/०७९ मा जिल्लास्थित आयुर्वेदिक स्वास्थ्य केन्द्र र औषधालयहरुबाट कुल १४ हजार १ सय ४० जनाले ओपिडि सेवा लिएका थिए । सो संख्या आर्थिक वर्ष २०७८/०७९ मा बढेर १९ हजार ८ सय ८० पुगेको छ । फिजियोथेरापी सेवा लिने बिरामी गत वर्ष १ हजारको हाराहारीमा रहेका थिए ।

    जिल्ला आयुर्वेद स्वास्थ्य केन्द्र भक्तपुरका प्रमुख रहेका डा नरेन्द्र प्रसाद गिरीले दरबन्दी माग गर्दै आफूहरु मन्त्रालय धाइरहेको दावी गर्दै सोसेवा सुचारु गर्न प्रयत्न गरिरहेको जिकिर गरेका छन । यस बारे भक्तपुरका नेता समेत रहेका बागमती प्रदेश सरकारका मुख्यमन्त्रीका प्रमुख राजनीतिक सल्लाहकार डिपी ढकाल लाई समेत जानकारी गराएर दरबन्दीका लागि पहल गरिदिन आग्रह गरिएको डा गिरीले जानकारी गराए । स्थानीयले भने दरबन्दी नरहेको बहानामा सेवा अवरुद्ध गरिएको आशंका गरेका छन । मेसिन किन्ने तर सेवा रोक्ने काम राम्रो नभएको बिरामीको गुनासो छ ।

    जिल्ला आयुर्वेद स्वास्थ्य केन्द्र भक्तपुरमा फिजियोथेरापी सेवा निशुल्क रहेको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...