सानोठिमी, २१ भदौ २०८० भक्तपुरको चाँगु नारायण ९ ताथलीस्थित काठमाडौं क्यान्सर सेन्टरका अध्यक्ष डा अन्जनीकुमार झा सानोठिमीस्थित चिकित्सा शिक्षा आयोगको कार्यकारी उपाध्यक्ष नियुक्त भएका छन् । सरकारले डा झालाई सो पदमा नियुक्त गरेको हो ।
मन्त्रिपरिषदको बिहीबार बसेको बैठकले आयोगको उपाध्यक्षमा डा अन्जनीकुमार झा लाई नियुक्त गर्ने निर्णय गरेको सहभागी एक मन्त्रीले बताएका छन् । निवर्तमान उपाध्यक्ष माओवादी केन्द्र निकट प्राडा श्रीकृष्ण गिरी दोहोरिने सम्भावनालाई अन्त्य गर्दै डा झा चिकित्सा क्षेत्रको महत्वपूर्ण आयोग चिकित्सा शिक्षा आयोगको उपाध्यक्ष नियुक्त हुन सफल भएका हुन् । त्यतिमात्र होइन, उनले शिक्षा मन्त्रीको पार्टी निकट डा प्रविण मिश्र लाई पनि पछि पार्दै उपाध्यक्ष पद प्राप्त गर्न सफल भए ।
डा झा नेपाली कांग्रेस निकट मानिन्छन् । उनी नेपाल चिकित्सक संघका पूर्व अध्यक्ष पनि हुन् ।