News Portal

  • पूर्वराजा शाहलाई भक्तपुरमा भब्य स्वागत

    भक्तपुरपोष्ट संवाददाता भक्तपुर, ७ असोज २०८०
    ६४६ पटक
    भक्तपुर, ७ असोज २०८०

    पूर्वराजा ज्ञानेन्द्र शाहलाई भक्तपुरमा भब्य स्वागत भएको छ । आइतवार दरवार स्क्वायरस्थित प्रसिद्ध तलेजु भवानी र टौमढी स्थित भैरवनाथ मन्दिरको दर्शन गर्न आएका उनलाई स्थानीय राजावादीहरुले भब्य स्वागत गरेका हुन् ।                                 

    दिउँसो करिब ३ बजे दरवार स्क्वायर आइपुगेका उनलाई राजावादीहरुले जयजयकार गर्दै स्वागत गरेका थिए । उनको स्वागतमा स्थानीय बाजा, नाँच र सांस्कृतिक झाकीहरुको प्रदर्शनी आयोजना गरिएको थियो । ठुलो भिडलाई पन्छ्याउदै उनले तजेजु भवानी र भैरवनाथको दर्शन गरे ।

    भिड व्यवस्थापन गर्न सुरक्षाकर्मीलाई हम्मेहम्मे परेको थियो भने पूर्वराजाको एक झलक पाउन मानिसहरु भिडमा च्यापिएर कुरिरहेका थिए । संचार माध्यमबाट आइतवार राजा आउने सूचना पाएपनि समय थाहा नहुँदा कतिपय जेष्ठ नागरिक राजालाई हेर्न घरबाट पोल्टामा बोकेर ल्याएको खाजा खाँदै बिहानैदेखि पाटीमा बसेर कुरिरहेका थिए । युवा विद्यार्थीहरु समेत हातमा देशको झण्डा बोकेर कलेज पोसाकमै पूर्वराजालाई कौतुहलतापूर्वक कुरिरहेका देखिन्थे । बरिष्ठ पत्रकार विकल श्रेष्ठले स्थानीयले राजाप्रति देखाएको श्रद्धा र उनको एक झलक पाउन गरेको संघर्षको तुलनामा समकालीन राजनीतिज्ञप्रति जनतामा त्यस्तो उत्साह नरहेको बताए ।

    आफ्ना समर्थकरुको जयजयकार र आयोजकको व्यवस्थापनले पूर्वराजा पनि उत्साहित देखिए । शक्ति पिठ दर्शंनपछि सल्लाघारीमा पत्रकारसंग कुराकानी गर्दै पूर्वराजा शाहले भक्तपुर भ्रमण र स्थानीयको स्वागतले आफूलाई जनताप्रति थप दायित्वबोध गराएको प्रतिक्रिया दिए । नेपाल पत्रकार महासंघका अध्यक्ष जगतकृष्ण प्रजापतिले जनताले पूर्व राजाबाट गरेका अपेक्षा के रहेछन भन्ने प्रश्न राखेका थिए भने सचिव संजीप घिमिरे शुभचिन्तकले राजनीतिक आस्था र बिचार बेग्लाबेग्लै भएका दलहरु बिभिन्न कालखण्डमा संगै मिलेका जस्तै दलहरु र राजा मिल्ने सम्भावना बारे सोधेका थिए । पूर्व राजा शाहले सबै कुरा समयको हातमा रहेको बताए ।

    पूर्वराजाको भक्तपुर भ्रमण र स्वागत सत्कारका लागि राजसंस्थावादी समेत रहेका समाजसेवी अनन्तप्रसाद धौभडेलको संयोजकत्वमा एक समिति गठन गरिएको थियो । आइतवार पूर्व राजाको भेटघाट र सुरक्षाका लागि राप्रपाका केन्द्रीय नेता रविन्द्रप्रताप शाह, पूर्व रथी समेत रहेका अर्का नेता भरतबहादुर खड्का लगायतका स्थानीय खटेका थिए भने सयौं स्वयंसेवक परिचालन गरिएको थियो ।                                   

    गणतन्त्रवादी स्थानीय नेताहरुले भने शक्ति पिठ दर्शनको बहानामा पूर्वराजाले आफ्नो शक्ति प्रदर्शन गरेको प्रतिक्रिया दिएका छन् । मुठ्ठीभर राजावादी उफारेर गणतन्त्रको रौँ पनि नहल्लने उनीहरुले जिकिर गरे ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...