मध्यपुर थिमि, ११ असोज २०८०मध्यपुर थिमि नगरपालिकाले वार्षिक प्रगतीको समीक्षा गर्ने प्रचलन शुरु गरेको छ । नगरपालिकाले चागु आवको प्रभावकारिताको लागि गत आर्थिक वर्ष २०७९/०८० को सिंहावलोकन गरेको हो ।
बिहीवार गत आर्थिक वर्षको नीति तथा कार्यक्रम, बजेट, कार्य योजना र सेवा प्रवाहको बारेमा वार्षिक प्रगतीको समिक्षा सम्पन्न गरिएको प्रमुख प्रशासकीय अधिकृत विजयराज सुवेदीले बताए ।
नगर उपप्रमुख विजयकृष्ण श्रेष्ठले शाखाहरुले एक वर्षमा गरेका काम, उपलब्धी, आइपरेका समस्या र सामाधानको बाटो पहिल्याउन समीक्षा कार्यक्रम प्रभावकारी देखिएको बाताए । वार्षिक रुपमा गरिने समीक्षाले गल्ती नदोरोहिने र बिगत बात पाठ सिकेर अघि बढ्न मार्गप्रसस्त हुने उनले प्रष्ट पारेका छन् ।
त्यसैगरी नगर प्रमुख सुरेन्द्र श्रेष्ठले वार्षिक समिक्षाले नगरपालिकाको सेवा प्रवाहको स्तर मापन र आगामी वर्षको नीति निर्माण र योजना कार्यान्वयनका लागि पृष्ठपोषण प्राप्त हुने बिश्वास व्यक्त गरेका छन् ।
कार्यक्रममा नगरपालिकाको वडा कार्यालय, २ वटा महाशाखा र १५ वटा विभिन्न विषयगत शाखाहरुले आर्थिक वर्ष २०७९/०८० को वार्षिक प्रगती प्रस्तुत गरेका थिए भने कार्यपालिका सदस्यहरुले त्यसमाथि टिप्पणी, जिज्ञासा र सुझाव राखेका थिए । वडा अध्यक्ष र वडा प्रशासकिय प्रमुखहरुले वार्षिकरुपमा गरेका सेवा प्रवाह अन्तर्गत राजश्व संकलन, सिफारिस, नाता प्रमाणित, बसाई सराई, घटना दर्ता र योजना कार्यान्वयनको अवस्था जानकारी दिएका थिए । साथै सेवा प्रवाहमा आईपरेका कठिनाई, समस्या र चुनौतीका बारेमा पनि जानकारी दिएका थिए ।
शाखाहरुले प्रस्तुतीकरण गरेका थिए भने कार्यपालिका सदस्यहरुले त्यसमाथि टिप्पणी, जिज्ञासा र सुझाव राखेका थिए । सोही अवसरमा नगर प्रमुख र उपप्रमुखले संयुक्त रुपमा नगरसभाबाट पारित आर्थिक वर्ष २०८०/०८१ को विनियोजन ऐन २०८०, नीति तथा कार्यक्रम, बजेट र योजनासहितको पुस्तिका समेत सार्वजनिक गरेका छन् ।
