News Portal

  • शिक्षकले राजनीति गर्न पाउनुपर्छ र एसईई पनि हटाउनु हुँदैन : प्रेम सुवाल

    भक्तपुर पोष्ट संवाददाता भक्तपुर, १४ असोज २०८०
    ५५२ पटक
    prem suwalभक्तपुर, १४ असोज २०८०

    भक्तपुर १ का प्रतिनिधि सभा सदस्य प्रेम सुवालले शिक्षा बिधेयकमा उल्लेख शिक्षकले राजनीति गर्न नपाउने र कक्षा १२ मा मात्र परीक्षा बोर्डले परीक्षा लिने व्यवस्थाको बिरोध गरेका छन् । आइतबार प्रतिनिधि सभामा बोल्दै सांसद सुवालले शिक्षकले राजनीति गर्न पाउनुपर्ने र कक्षा १० मा लिइने एसईई परीक्षा पनि हटाउनु नहुने स्पष्ट पारेका हुन् ।

    नेमकिपाका सचिव समेत रहेका सांसद सुवालले शिक्षकको अभिव्यक्ति स्वतन्त्रता हनन गर्न नहुनेमा जोड दिंदै देश र जनताको पक्षमा शिक्षकले राजनीति गर्न पाउनुपर्ने बताए । त्यस्तै, विद्यार्थीको शैक्षिक गुणस्तर खस्किन नदिन कक्षा १० मा पनि राष्ट्रिय रुपमा परीक्षा बोर्डले परीक्षा लिनुपर्ने उनको भनाइ छ ।

    शिक्षकले आफ्ना माग राख्दा प्रहरी दमन गरेकोप्रति उनले आपत्ति प्रकट गरे । शिक्षालाई बजबुद बनाउन शिक्षकलाई तलव र सुविधा बढाउनुपर्ने र विश्वविद्यालयमा उत्कृष्ट नतिजा ल्याउनेहरुलाई शिक्षण पेशामा आकर्षित गर्ने योजना बनाउनुपर्ने उनले बताए ।

    सांसद सुवालले जिल्ला शिक्षा कार्यालय ब्युताउने कुरा प्रतिगमन नै हुने जिकिर गर्दै त्यसप्रति असहमती प्रकट गरे । त्यसैगरी बिदेशी बोर्डका विद्यालय र कजेल संचालनको अनुमती दिन नहुनेमा उनको जोड रहेको छ ।

    शिक्षामा ब्यापार गर्न दिनु नहुने भन्दै सांसद सुवालले निजी विद्यालयलाई समय तोकिदिएर तत्पश्चात क्षतीपूर्ती दिएर सरकारीकरण गर्नुपर्ने सुझाव समेत दिएका छन् । शैक्षिक गुठीमा रहेका विद्यालयलाई भने वर्षेनी सहयोग गर्नुपर्ने उनको भनाइ छ ।

    उनले विद्यालय शिक्षालाई नि: शुल्क र अनिवार्य गर्दै शिक्षालाई प्रविधि र श्रमसंग जोड्नुपर्नेमा जोड दिए ।

    प्रतिकृया दिनुहोस्

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...