News Portal

  • बजारको मूल्य र गुणस्तरमा शंका लागे स्थानीय सरकारलाई जानकारी गराउन उपमेयरको आग्रह

    भक्तपुरपोष्ट संवाददातासूर्यविनायक, १८ असोज २०८०
    ५७८ पटक
    सूर्यविनायक, १८ असोज २०८०

    सूर्यविनायक नगरपालिकाकी उपप्रमुख सरिता तिम्सिना भट्टराईले उपभोक्ता हित संरक्षणका लागि आफूहरुले बजार अनुगमन र कारवाहीलाई प्राथमिकतापूर्वक अघि बढाइरहेको बताएकी छन् । बस्तु र सेवा वापतको मूल्य र त्यसको गुणस्तरमा शंका लागे सूचना दिन आग्रह गर्दै उनले नगरपालिकाले त्यस्ता सूचनाको आधारमा बजार अनुगमन गर्ने समेत बताइन् ।

    सूर्यविनायक नगरपालिका अन्तर्गत बजार अनुगमन समितिको संयोजक समेत रहेकी उपप्रमुख भट्टराईले दशैं तिहार जस्ता चाडपर्वको अवसर पारेर हुनसक्ने सम्भावित अनियमितता, ठगी र कालोबजारी रोक्न बजार अनुगमनको विशेष योजना बनाइएको समेत खुलासा गरेकी छन् । कार्यालय समय अघि र पछि पनि अनुगमन हुने तथा प्रत्येक वडाका पसल र बजार अनुगमन गरिने उनले जिकिर गरिन् ।

    उपभोक्ताको आवश्यकताको फाइदा उठाएर चर्को मूल्य असुली गर्ने र गुणस्तरहीन बस्तु तथा सेवाको बिक्रीवितरण गर्ने व्यवसायीलाई कडा कारवाही गर्ने समेत उनको दावी छ । बजार अनुगमनको उदेश्य व्यवसायीलाई कारवाही गर्नु नभई बजारलाई व्यवस्थित बनाउने र उपभोक्ताको हित संरक्षण गर्ने भएको उनको भनाइ छ । जानेर अथवा नजानेर उपभोक्ता ठगीमा संलग्न व्यावसायीलाई उन्मुक्ति हुँदा समाजमा कानुनी सुशासन नहुने भएकोले पनि कारवाही गर्नुपरेको उनले प्रष्ट पारेकी छन् ।

    व्यवसायी आफू पनि कुनै न कुनै रुपमा उपभोक्ता नै भएकोले उपभोक्ताको अधिकार हनन गर्न नहुनेमा उनले जोड दिएकी छन् । बजारमा उपभोक्ताले बस्तु तथा सेवा खरिद गर्दा सावधानी अपनाउनु पर्ने र व्यवसायीले पनि बिक्रीवितरण गर्दा पेशागत दायित्व पूरा गर्नुपर्ने उपप्रमुख भट्टराईको भनाइ छ ।

    बिहीवार नगर उपप्रमुख सरिता तिम्सिना भट्टराईको अध्यक्षतामा बजार व्यवस्थापन तथा उपभोक्ता हित संरक्षण समितिको बैठक बसेको र उक्त बैठकले कसरी अनुगमनलाई व्यवस्थित र परिणाममुखी बनाउने भन्ने विषयमा निर्णयहरु गरेको नगरपालिकाका अधिकृत कपिल अधिकारीले जानकारी गराएका छन् ।

    बैठकमा प्रमुख प्रशासकीय अधिकृत श्रीधर केसी, सूचना अधिकारी अनिरुद्र नेपाल, जिल्ला प्रशासन कार्यालयका अधिकृत यादवप्रसाद मिश्र, घरेलु तथा साना उद्योग कार्यालयका प्रमुख आशिष दाहाल, उपभोक्ता हित संरक्षण मन्च भक्तपुरका अध्यक्ष मनोज थापा, नेपाल पत्रकार महासंघ भक्तपुरका सचिव संजीप घिमिरे शुभचिन्तक, सूर्यविनायक उद्योग वाणिज्य संघका प्रतिनिधि, नगर प्रहरी प्रमुख लगायतको उपस्थिति रहेको बताइएको छ ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...