भक्तपुर पोष्ट संवाददाता भक्तपुर, १७ कार्तिक २०८०
भक्तपुर, १७ कार्तिक २०८०‘चाँगुनारायण सिटी एभोकाडो सिटी अभियान’का अभियन्ता एवं नेकपा (माओवादी केन्द्र)को चाँगुनारायण ८ का वडा अध्यक्ष मदन श्रेष्ठलाई मातृशोक परेको छ । उनको ममतामयी आमा काली श्रेष्ठको ७० वर्षको उमेरमा शुक्रवार निधन भएको हो ।
भक्तपुर अस्पतालमा शुक्रवार बिहान उपचारका क्रममा काली श्रेष्ठको निधन भएको र दिउँसो नै नेवा परम्परा अनुसार स्थानीय घाटमा उनको पार्थिव शरीरको अन्त्येष्टि समेत गरिसकिएको पारिवारिक श्रोतले जनाएको छ । घाटमा अन्तिम श्रद्धान्जलीका लागि नेकपा (माओवादी केन्द्र)का केन्द्रीय सदस्य डिपी ढकाल, चाँगुनारायण नगर अध्यक्ष नरेश खड्का लगायत नेताहरु पुगेका थिए ।
दिवंगत काली श्रेष्ठ लामो समयदेखि दम रोगले ग्रसित थिइन् । उनका ३ छोरा छन् ।