खजुरीको ब्राण्ड मन पराउने पारखीहरुलाई लक्षित गर्दै भक्तपुरको कमलविनायकमा खजुरीको पसल खुलेको छ । नेमकिपाका अध्यक्ष नारायणमान बिजुक्छें ‘रोहित’ को निवाससंगै खजुरीको पसल खुलेको हो ।

शनिवार उक्त खजुरीको पसल शुभारम्भ समेत गरिएको छ । तीलगङ्गास्थित नेपाल आँखा बैंकका व्यवस्थापक शंख नारायण त्वयनाले आफ्नो छोराबुहारीले हेर्नेगरी उक्त पसल व्यवसाय शुरु गरेका हुन् । बच्चाहरुलाई विदेश जानुभन्दा स्वदेशमै स्वरोजगार बनाउन ब्यवसाय शुरु गरिएको बताउने त्वयनाले ‘खजुरीको पसल’ लोकप्रिय ब्राण्ड भएकोले कमलविनायकमा यसको शाखा बिस्तार गरिएको बताए ।

खजुरीको पसलमा खजुरीको हरेक ब्राण्ड त पाइने नै भयो ! त्यसका अलावा बिभिन्न ब्रान्डका खाद्य बस्तु, दैनिक उपभोग्य सामाग्री, किराना देखि लिक्यर्स सम्म उपलब्ध रहेको त्वयनाले बताएका छन् । पसलमा हरेक मालबस्तु गुणस्तरीय भएको ग्यारेन्टी गर्दै उनले उपभोक्ता हितलाई अधिकत्तम महत्व दिएको दावी गरे ।

पसल शुभारम्भको अवसरमा सामानको प्रकृती अनुसार ३ प्रतिसत देखि ३५ प्रतिसत सम्म छुटको व्यवस्था गरिएको उनले बताए । विशेषगरी चामलमा भारी छुटको व्यवस्था गरिएको छ भने चिनीको बजारमा कालोबजारी देखिंदा खजुरीको पसलमा प्रति किलो १ सय १८ रुपैयामा उपभोक्तालाई चिनी बिक्रीवितरण गरिएको छ । खरीद गरिएका सामान नि:शुल्क घरमै पुर्याइने समेत सेवा उपलब्ध गराइएको त्वयनाले जनाएका छन् ।

कमलविनायकमा खजुरीको पसल खुलेपछि गुणस्तरमा ध्यान दिने उपभोक्तालाई सुविधा मिलेको स्थानीयसमेत रहेका बरिष्ठ पत्रकार विकल श्रेष्ठ बताउँछन् । त्यस्तै अर्का स्थानीय एवं मानव अधिकार संगठनका भक्तपुर अध्यक्ष रामकृष्ण मानन्धरले विदेशमा समेत लोकप्रिय नेपाली ब्राण्डको कमलविनायकमा शाखा खुल्नु स्वागत योग्य रहेको बताएका छन् ।

शुभारम्भको अवसरमा खजुरीको कम्पनीका प्रबन्ध निर्देशकले ‘खजुरीको पसल’ संग उपभोक्ताको बिश्वास जोडिएको बताउदै सबै शाखालाई ब्यापार संगै बिश्वास कायम राख्न प्रेरित गरिएको प्रष्ट पारे ।

उक्त अवसरमा कमलविनायक क्षेत्रका खजुरीको पारखीका साथै बिभिन्न क्षेत्रमा ख्याती कमाएका स्थानीयहरुको बाक्लो उपस्थिति देखिन्थ्यो । प्रमुख आकर्षणका रुपमा भने नेमकिपाका अध्यक्ष एवं वरिष्ठ बामपन्थी नेता नारायणमान बिजुक्छें रोहितको उपस्थिति रहेको थियो । अध्यक्ष बिजुक्छेंले आफ्नो निवास संगै रहेको खजुरीको पसलमा किनमेल पनि गरेका छन् । शुभारम्भका अवसरमा खजुरीको ब्राण्ड प्रति बिबिध जिज्ञासा राखेका अध्यक्ष बिजुक्छेंले व्यवसाय सफलताको शुभकामना समेत दिएका थिए ।