News Portal

  • गणतन्त्रका कारण महिलालाई सम्मान

    भक्तपुर पोष्ट संवाददाता भक्तपुर, ८ मंसिर २०८०
    १३२ पटक
    भक्तपुर, ८ मंसिर २०८०

    सञ्चार तथा सूचना प्रविधिमन्त्री रेखा शर्माले गणतन्त्रका कारण महिला सशक्तीकरणमा सहयोग पुगेको बताएकी छन्।

    दाङको लमही नगरपालिका-१ सुन्डवरीमा निलकमल सामाजिक उद्यमी महिला सहकारी संस्थाको नवौं वार्षिक साधरणसभामा मन्त्री शर्माले गणतन्त्र स्थापना भएपछि छोरीलाई पनि सम्मानपूर्वक हेरिन थालेको बताइन्।

    मन्त्री शर्माले भनिन्, ‘अहिले महिला अधिकारका विषय संस्थागत बन्दै गएका छन्, महिलालाई बाहिर निस्कन नदिने समाजमा अहिले प्रत्येक क्षेत्रमा महिला अधिकारका विषय उठेका मात्रै छैनन् बिस्तारै अनिवार्य बन्दै संस्थागत भएका छन्।’

    महिलाहरू केही गर्न सक्दैनन् भन्नेहरूलाई महिलाले चलाएका सहकारीले उदाहरणीय काम गरेर देखाइरहेको भन्दै मन्त्री शर्माले उद्यमको माध्यमबाट महिलाहरू उत्पादनसँग जोडिएकोमा खुसी व्यक्त गरिन्। उत्पादित वस्तु तथा सेवालाई बजारीकरणको काममा स्थानीय सरकारले सहयोगी भूमिका निर्वाह गर्न आवश्यक भएको बताइन्।

    यसैबीच, आजै नेकपा (माओवादी केन्द्र) दाङ क्षेत्र नं १ ले आयोजना गरेको एक कार्यक्रममा नेकपा (माओवादी केन्द्र) का स्थायी समिति सदस्य मन्त्री शर्माले गणतन्त्र जनताकै शासन व्यवस्था भएका कारण गल्ती गर्ने व्यक्ति ढिलोचाँडो सजायको भागीदार हुने बताइन्। उनले भनिन्, ‘कसै कसैलाई यो गणतन्त्रमा जे पनि गर्न पाइन्छ, भन्ने लागेको होला, जो कोहीले पनि गल्ती गरेको प्रमाणित भए सजाय भोग्नुपर्छ।’

    मन्त्री शर्माले वर्तमान सरकारले प्रतिकूलतामा पनि धेरै महत्त्वपूर्ण काम गरेर लोकतान्त्रिक गणतन्त्रात्मक शासन व्यवस्थालाई संस्थागत गर्ने अथक प्रयास गरिरहेको बताइन्।

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...