News Portal

  • मानव अधिकार दिगो बनाउदै लैजान दरवार स्क्वायरमा दीप प्रज्वलन

    राजेशमान मानन्धर भक्तपुर, २४ मङ्सिर २०८०
    ७४५ पटक
    human right bhaktapurभक्तपुर, २४ मङ्सिर २०८०

    ७५ औं अन्तर्राष्ट्रिय मानव अधिकार दिवसको अवसर पारेर नेपाल मानव अधिकार संगठन भक्तपुरको आयोजनामा दीप प्रज्वलन कार्यक्रम सम्पन्न भएको छ । आइतवार साँझ दरवार स्क्वायरमा दीप प्रज्वलन गरिएको हो ।

    ‘भविष्यमा मानव अधिकार संस्कृतिलाई एकीकृत र दिगो बनाउदै लैजाऔं’ भन्ने मुल नाराका साथ दरवार स्क्वायरमा दीप प्रज्वलन गरिएको संगठनका अध्यक्ष राम कृष्ण मानन्धरले बताएका छन् ।

    नेपाल मानव अधिकार संगठन भक्तपुरका उपाध्यक्ष पशुपतिभक्त रायको नेतृत्वमा उक्त दीप प्रज्वलन कार्यक्रम सम्पन्न भएको हो । कार्यक्रममा उपाध्यक्ष रायले आजकै दिन सन् १९४८ मा डिसेम्बर महिनाको १० तारिखका दिन विश्वव्यापी मानव अधिकारहरूको घोषणा भएको स्मरण गर्दै विश्वभरी नै मानव अधिकार रक्षाको पक्षमा आफूहरु रहेको प्रष्ट पारे । नेपाल र भक्तपुरमा मानव अधिकारको अवस्थाबारे उल्लेख गर्दै उपाध्यक्ष रायले मानव अधिकार सुनिश्चित नभई कुनै पनि समाज र देश सुखी, खुशी र सम्बृद्ध बन्न नसक्ने बताए ।

    कार्यक्रममा संगठनका कार्यसमिति सदस्यहरु राम प्रसाद प्रजापति, राजेश मान मानन्धर, सरोज खोतेजा, राजेस भोखाध्यो, प्रविन त्वाती लगायतको सक्रियता रहेको थियो । उनीहरुले स्पिकरको प्रयोग गरी मानव अधिकार सम्बन्धि कुराहरुको प्रचारप्रसार गरेका थिए । कार्यक्रममा आफ्नो मानव अधिकारका विषयहरु थाहा पाउन र त्यसको उपभोगमा सचेत रहनपर्नेमा जोड दिइएको थियो भने आफ्नो अधिकारको प्रयोग गर्दा अरुको मानव अधिकार हनन गर्न नहुने विषयमा समेत सजग गराइएको थियो ।

    उक्त दीप प्रज्वलन कार्यक्रममा प्रहरी प्रभाग दरवार स्क्वायरका प्रहरी नायव निरीक्षक खिल बहादुर दुलालको नेतृत्वमा प्रहरीहरु समेत सामेल भएका थिए । युवा, विद्यार्थी, स्थानीय र बटुवाहरुले कार्यक्रमको अभिरुचीपूर्वक अवलोकन गरेका थिए ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...