News Portal

  • मध्यपुर थिमिमा रेडक्रस भवन बनाउन नगरपालिकाले सहयोग गर्ने

    प्रदिप श्रेष्ठ मध्यपुर थिमि, २७ मंसिर २०८०
    १६९ पटक
    मध्यपुर थिमि, २७ मंसिर २०८०

    प्रदिप श्रेष्ठ, मध्यपुर थिमि । मध्यपुर थिमि नगरपालिकाका नगरप्रमुख सुरेन्द्र श्रेष्ठ र उपप्रमुख विजय कृष्ण श्रेष्ठले नेपाल रेडक्रस सोसाइटी मध्यपुर थिमि उपशाखाको आफ्नै भवन बनाउन सहयोग गर्ने प्रतिवद्धता प्रकट गरेका छन् । बुधवार २१ औं उपशाखा सभालाई सम्बोधन गर्दै उनीहरुले सो प्रतिवद्धता प्रकट गरेका हुन् ।

    सभामा प्रमुख अतिथि रहेका मध्यपुर थिमि नगरपालिकाका नगर प्रमुख सुरेन्द्र श्रेष्ठले वन उपभोक्ता समितिसंग समन्वय गरी जग्गा उपलब्ध गराइदिने र भवन निर्माणमा सहयोग गर्ने बताएका हुन् । ”जग्गा अवलोकन पनि गरिसकिएको छ, आवश्यक प्रक्रिया अगाडि बढाउछौं ।” उनले भने । मध्यपुर थिमि नगरपालिकालाई दिगो रुपमा स्वास्थ्य, शिक्षा, रोजगार र पर्यटन विकासमा ठोस योजनाका साथ लागिरहेको समेत उनले जानकारी गराएका छन् ।

    त्यस्तै कार्यक्रमका विशेष अतिथि मध्यपुर थिमि नगरपालिकाका उप्रमुख विजयकृष्ण श्रेष्ठले रेडक्रसले गर्दै आइरहेको सेवाहरु प्रशंसनीय रहेको र मध्यपुर थिमि नगरपालिकाले पनि भक्तपुर शाखाको सहकार्यमा नगरबासीहरुलाई निःशुल्क रगत उपलब्ध गराउदै आएको बताउदै सामाजिक सेवामा सक्रिय यस संस्थालाई आवश्यक हरेक सहयोगका लागि नगरपालिका तत्पर रहेको बताएका छन् ।

    उक्त अवसरमा वडा नं. ४ का वडाध्यक्ष बालकुष्ण पात्या श्रेष्ठ, बालकुमारी विष्णुवीर सामुदायिक वन उपभोक्ता समितिका अध्यक्ष कृष्णलाल गोजा श्रेष्ठ, नेपाल रेडक्रस सोसाइटी जिल्ला शाखा भक्तपुरका कार्यबाहक सभापति कृष्णेश्वरी हाडा लगायतका अतिथिहरुले नेपाल रेडक्रस सोसाइटी मध्यपुर थिमि उपशाखाको योगदानको स्मरण गर्दै सहयोगको आश्वासन दिएका छन् ।

    उपशाखाका सभापति बाबुकाजी श्रेष्ठको सभापतित्वमा भएको उक्त कार्यक्रममा उपशाखाका उपसभापति सविना श्रेष्ठले स्वागत मन्तब्य राखेकी थिइन् भने सचिव जीवन श्रेष्ठले कार्यक्रम संचालन गरेका थिए ।

    उक्त सभामा “उत्कृष्ट स्वयंसेवक पुरस्कार”को लागि समाजसेवी सूर्यकृष्ण थापा श्रेष्ठले रू. १ लाख ११ हजार १ सय ११ रुपैयाको धनराशी अक्षयकोष स्थापना गर्न चेक हस्तान्तरण गरेका अध्यक्ष बाबुकाजी श्रेष्ठले जनाएका छन् । कार्यक्रममा अर्को वर्षदेखि लागु हुनेगरी “उत्कृष्ट स्वयंसेवक पुरस्कार” नियमावली – २०८० पारित गरिएको पनि उनले जानकारी गराए ।

    उपशाखालाई अगाडि बढाउनका लागि विपद् व्यवस्थापन कोष, शवबाहन व्यवस्थापन कोष, स्वास्थ्य उपचार कोष, कर्मचारी उपदान कोष स्थापना गरिएको उपशाखाका सभापति श्रेष्ठले बताए ।त्यस्तैगरी आजीवन सदस्य सुरज श्रेष्ठले उपशाखालाई विपी सेट हस्तान्तरण गरेका छन् भने पूर्वसभापति भुवनचरण श्रेष्ठले विपद् व्यवस्थापन कोषका लागि १२ हजारको चेक हस्तान्तरण गरे । रेडक्रसका सदस्यहरुको स्वास्थ्यलाई ध्यानमा राखी सहुलियत उपचारको लागि भक्तपुर इन्टरनेशनल अस्पतालसंग उपशाखाले “सहुलियत उपचार सेवा” सम्झौता समेत गरेको छ ।

     

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...