भक्तपुर, ३० मंसिर २०८०गएराति सानोठिमीमा दुर्घटनामा परेका युवकको ज्यान गएको छ । ज्यान गुमाउनेमा काभ्रेपलान्चोक रोशी गाँउपालिका १० घर भई गठ्ठाघर बस्ने २३ वर्षीय बिशाल मैनाली रहेका छन् ।
गएराति २२:४७ बजेको समयमा सानोठिमी स्थित जनक शिक्षा सामाग्री केन्द्र अगाडी बहाखा बजारबाट सानोठिमी तर्फ आउदै गरेको बा. ४ ख. २३४७ नम्बरको ट्रिपर र सानोठिमी बाट जादै गरेको बा. ९२ प. ५५३१ नम्बरको स्कुटी एक आफसमा ठक्कर खाई दुर्घटना हुँदा स्कुटी चालक मैनाली गम्भीर घाइते भएका थिए ।
उपचारको लागि नागरीक अस्पताल गठ्ठाघर पुर्याइएका मैनालीको करिब साढे ११ बजे ज्यान गएको प्रहरीले जनाएको हो । टिपर चालक जिल्ला धादिङ थाक्रे गाँउपालिका वडा नं. ७ घर भई हाल जिल्ला सूर्यविनायक ८ सिपाडोल बस्ने बर्ष ४२ को सुरेश तामाङलाई प्रहरी वृत्त थिमिको नियन्त्रणमा राखि घटनाको सम्बन्धमा थप अनुसन्धान कार्य भईरहेको प्रहरी निरीक्षक किसोर ढुंगानाले बताएका छन ।