News Portal

  • भक्तपुर आएका प्रधानमन्त्री प्रचण्डले लिए पूर्वमन्त्री यादवको स्वास्थ्य अवस्थाबारे जानकारी

    भक्तपुर पोष्ट संवाददाता भक्तपुर, ४ पुस २०८०
    ४९६ पटक
    matrikaa yadavभक्तपुर, ४ पुस २०८०

    प्रधानमन्त्री पुष्पकमल दाहाल ‘प्रचण्ड’ ले पूर्वमन्त्री एवं नेकपा(माओवादी केन्द्र)का स्थायी समिति सदस्य मात्रिका यादवको स्वास्थ्य अस्वस्थाबरे जानकारी लिएका छन् । भक्तपुरको मध्यपुर थिमी ३ सुन्दर बस्तीमा बस्दै आएका नेता यादव अस्वस्त भएपछि उनको स्वास्थ्य अवस्थाबारे बुझ्न प्रधानमन्त्री भक्तपुर आएका हुन् ।

    पूर्वमन्त्री एवं नेकपा(माओवादी केन्द्र)का स्थायी समिति सदस्य यादव गत एक सातादेखि बिरामी रहेका छन् । ज्वरो र टाउको दुखाइ अत्यधिक भएपछि उपचार गराइरहेका यादवको स्वास्थ्यमा सुधार हुन नसकेको परिवारका सदस्यहरुले बताएका छन् । प्रधानमन्त्री प्रचण्डले नेता यादवको शिघ्र स्वास्थ्य लाभको कामना गरेका परिवारको भनाइ छ ।

    यसैबीच पार्टी अध्यक्ष समेत रहेका प्रधानमन्त्री प्रचण्ड मध्यपुर थिमि आएको अवसर पारेर नेकपा(माओवादी केन्द्र) को मध्यपुर थिमि नगर समितिले शिष्टाचार भेट गरेको छ । मध्यपुर थिमि नगरपालिकाको उपमेयर समेत रहेका स्थानीय नगर पार्टीका अध्यक्ष बिजय कृष्ण श्रेष्ठको निवासमा पार्टी अध्यक्ष एवं प्रधानमन्त्री प्रचण्ड लाई स्वागत गर्दै समसामयिक राजनीतिबारे बुझ्ने अवसर प्राप्त भएको नगर समितिले जनाएको हो ।

    उक्त अवसरमा पार्टी अध्यक्ष समेत रहेका प्रधानमन्त्री प्रचण्डले मध्यपुर थिमि नगरपालिका मात्र नभई उक्त निर्वाचन क्षेत्रबाट संसदीय निर्वाचन समेत जित्न स्थानीय कार्यकर्तालाई प्रोत्साहित गरेका छन् । जनतासंग जोडिन र जनयुद्धकालको जस्तै न्यानो सम्बन्ध स्थापित गर्न जोड दिंदै प्रधानमन्त्री समेत रहेका अध्यक्ष प्रचण्डले नेता बनेर होइन, स्थानीयको सेवक बनेर घरघरको समस्या समाधानमा केन्द्रीत हुन दिशानिर्देश गरेका नगर अध्यक्ष विजय कृष्ण श्रेष्ठले बताए ।

    आफू नेतृत्वको सरकार सुशासनको पक्षमा खडा भएको र भ्रष्टाचार एवं तस्करी नियन्त्रणमा लागिरहेको मन नपराउने तत्वले उल्टै सरकारलाई बद्नाम गर्न खोज्दैमा आफू बिचलित नबन्ने उल्लेख गर्दै प्रधानमन्त्री प्रचण्डले सरकारको कामबाट जनतामा नयाँ आशा र बिश्वास बढेको बताएका छन् । विरोधीका भ्रमपूर्ण प्रचारको खारेज गर्दै सरकारका उपलब्धीहरुलाई जनतामाझ स्थापित गर्न समेत उनले स्थानीय नेताकार्यकर्तालाई निर्देशन दिएका छन् । प्रधानमन्त्री प्रचण्डसंगै उनकी छोरी समेत रहेकी स्वकीय सचिव गङ्गा दाहाल पनि भक्तपुर आएकी थिइन् ।

    उक्त अवसरमा नगरपालिकाका उपमेयर समेत रहेका पार्टीका नगर अध्यक्ष विजय कृष्ण श्रेष्ठले मध्यपुर थिमिमा स्थानिय निर्वाचनका बेला पार्टीले अघि सारेको शिक्षा, स्वास्थ्य, रोजगारी र पर्यटन लगायतकाचुनावी प्रतिवद्धता अनुरुप आफूले काम गरिरहेको जानकारी गराएका थिए भने प्रधानमन्त्री प्रचण्डले नगरपालिकाको बिकास र सम्बृद्धिका लागि सरकारको सदैव साथ् र सहयोग रहने प्रतिवद्धता प्रकट गरेका थिए ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...