भक्तपुरको सूर्यविनायक ९ जगातीमा बोलेरो गाडीले ठक्कर दिंदा पैदलयात्रीको ज्यान अगेको छ । जिल्ला रोल्पा करेती गा.वि.स. वडा नं ६ घर भएका बर्ष ३१ को अर्जुन घर्तीमगरको ज्यान गएको हो ।

शुक्रवार राति करिब ९ बजेको समयमा जगातीबाट साँगा तर्फ जादै गरेको बा.१० च. ८२८३ नम्बरको बोलेरोले सोही दिशातर्फ जादै गरेका घर्तीमगर लाई ठक्कर दिएको थियो । सिनामंगलस्थित के एम सी अस्पतालमा उपचारकै क्रममा शनिवार १:१५ बजे उनको निधन भएको प्रहरीले पुष्टि गरेको हो ।

गाडी र गाडी चालक जिल्ला भक्तपुर सूर्यविनायक १० नलिन्चोक बस्ने वर्ष ५६ को बिश्वनाथ हेङ्गजुलाई नियन्त्रणमा लिई प्रहरी वृत जगाती भक्तपुरमा राखिएको र थप अनुसन्धान कार्य भईरहेको व्यहोरा प्रहरीको भनाइ छ ।