News Portal

  • आफ्नै भवन बनाउँदै नेपाली काँग्रेस भक्तपुर, २० लाख सहयोग गर्ने युवा नेता राणाको घोषणा

    भक्तपुर पोष्ट संवाददाता भक्तपुर, १० माघ २०८०
    ३०५ पटक
    भक्तपुर, १० माघ २०८०

    नेपाली कांग्रेस भक्तपुरका युवा नेता रवि राणाले जिल्ला पार्टीको भवन निर्माणका लागि २० लाख रुपैंया सहयोग गर्ने घोषणा गरेका छन् । जिल्ला समितिको २७ औं बैठकमा नेता राणाले सो घोषणा गरेका हुन् ।

    जिल्लामा पार्टीको आफ्नै भवन निर्माण गर्ने जिल्ला सभापति एवम् प्रतिनिधि सभा सदस्य दुर्लभ थापाको संकल्पमा साथ, सहयोग र सहकार्य गर्ने प्रतिवद्धता व्यक्त गर्दै युवा नेता राणाले रु २० लाख सहयोग गर्ने घोषणा गरेका प्रचार विभागका रमेश खड्काले जानकारी गराए । सहयोग घोषणाले अरु नेता कार्यकर्तालाई पार्टीको भवन निर्माणमा सहयोग गर्न प्रोत्साहन मिल्ने राणाले बिश्वास व्यक्त गरेका छन् । भवन निर्माणसँगै कांग्रेसको पार्टी गतिविधि बढ्ने र यसले पार्टीप्रति थप आकर्षण बढाउने उनको भनाइ छ ।

    हालसम्म भाडामा बस्दै आएको पार्टी कार्यालयको आफ्नै भवन बनाउन नेपाली कांग्रेस भक्तपुरले केही महिना अघि मात्रै सल्लाघारीमा जग्गा खरिद गरेको र माघ १६ गते सहिद दिवसको अवसर पारेर पार्टी कार्यालय भवन सिलान्यास गरिने पार्टी सभापति दुर्लभ थापाले जानकारी गराएका छन् । ३ तले पार्टी कार्यालय भवन निर्माणका लागि पार्टीका सबै नेता कार्यकर्ताले तन मन र धनले सहयोग गर्ने उनले बिश्वास व्यक्त गरेका छन् । सभापति थापाले युवा नेता राणाले पार्टी कार्यालय भवन निर्माणमा सहयोग गर्ने घोषणा गरेर थप हौसला प्रदान गरेका प्रतिक्रिया दिए ।

    युवा नेता रवि राणा नेपाली कांग्रेसको सूर्यविनायक नगर कार्य समितिका पूर्व उपसभापति एवं १४ अौं महाधिबेशनमा नगर सभापतिका प्रत्यासी रहेका थिए । आन्तरिक निर्वाचनमा पराजय भोगेपनि पार्टी सभापति दुर्लभ थापालाई प्रतिनिधि सभा सदस्यको निर्वाचनमा निर्वाचित गर्न उनले ससक्त भूमिका निर्वाह गरेका थिए । उनी बरिष्ठ पत्रकार कविर राणाका भाइ हुन् ।

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  आफ्नै जीवनको संस्मरण समेटिएको पुस्तक यमलोकको...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...