News Portal

  • वाइसीएल भक्तपुरको कार्यक्रममा ५३ जनाले गरे रक्तदान

    मदन ढुंगाना / भक्तपुर पोस्ट भक्तपुर, २० माघ २०८०
    ५३३ पटक
    भक्तपुर, २० माघ २०८०

    योङ कम्युनिष्ट लिग, नेपाल(वाइसीएल, नेपाल) को भक्तपुर नगर समितिद्वारा आयोजित रक्तदान कार्यक्रम सम्पन्न भएको छ । ‘रक्तदान गरि जीवनदान गरौं’ भन्ने अपिल सहित वाइसीएलले शनिवार बिहान त:मारीमा आयोजना गरेको खुला रक्तदान कार्यक्रम सम्पन्न भएको हो ।

    बिहान ७ बजे देखि ११ बजेसम्म संचालित खुला रक्तदान कार्यक्रममा युवाहरुको उत्साहप्रद सहभागिता रहेको आयोजक वाइसीएल भक्तपुर नगर समितिका अध्यक्ष राज वाङ्गयोले जनाएका छन् । उक्त अवसरमा ५३ जनाले आफ्नो अमूल्य रगत दान गरेका अध्यक्ष वाङ्गयोले जानकारी गराए । महिला ११ र पुरुष ४२ गरि ५३ जनाले रक्तदान गरेका उनले बताए ।

    युवाहरुलाई समाज र मानव सेवाप्रति समर्पित गराउने उदेश्यले रक्तदान कार्यक्रम आयोजना गरिएको वाइसीएल क्षेत्र नम्बर १ का संयोजक समेत रहेका युवा नेता रोशन बासुकलाले बताएका छन् । राजनीति मानव सेवाकै लागि भएको भन्दै वाइसिएलका जिल्ला इन्चार्ज एवं केन्द्रीय सदस्य नरेश रन्जितले नगर समितिको कार्यक्रमप्रति सन्तोष ब्यक्त गरेका छन् । जिल्ला इन्चार्ज रन्जितले सबै नगर र वडा समितिले यस्तै सृजनशील कार्यक्रम मार्फत युवा गतिविधिलाई मानव सेवासंग जोड्नपर्नेमा जोड दिएका छन् ।

    रक्तदानमा सहभागिहरुलाई प्रमाणपत्र प्रदान गर्न र आयोजकलाई उत्प्रेरित गर्न वाइसीएलका केन्द्रीय इन्चार्ज रामप्रसाद सापकोटा दीपशिखाको प्रमुख आतिथ्यता र माओवादी केन्द्रका केन्द्रीय सदस्यहरु दिलिप प्रजापति, देवेन्द्र श्रेष्ठ, डिपी ढकाल र प्रतिमा श्रेष्ठको विशेष आतिथ्यता रहेको आयोजकले जनाएको छ । कार्यक्रममा पार्टीका जिल्ला संयोजक सुनिल बासु, प्रदेश सांसद भुवनकेशरी श्रेष्ठ भावना, भक्तपुर नगर अध्यक्ष राकेस सुवाल, चाँगुनारायण नगर अध्यक्ष नरेश खड्का लगायतको पनि आतिथ्यता रहेको बिकास लाखेले बताएका छन् ।

    उक्त रक्तदान कार्यक्रममा प्राविधिक सहयोग नेपाल रेड्क्रस सोसाइटीले गरेको थियो भने आवश्यक समन्वय सामाजिक अभियन्ता नवराज काफ्लेले गरेका थिए ।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...