News Portal

  • डिपी ढकालबाट नगरकोट जालपादेवी सडक स्तरोन्नतिको शुभारम्भ

    आकाश गजुरेलचाँगुनारायण, २५ माघ २०८०
    २३७ पटक
    चाँगुनारायण, २५ माघ २०८०

    भक्तपुरको चाँगुनारायण नगरपालिका वडा नम्बर ६ स्थित नगरकोट जालपादेवी सडक स्तरोन्नति अन्तर्गत सडक ढलान कार्यको शुभारम्भ भएको छ । बागमती प्रदेश सरकारका मुख्यमन्त्री शालिकराम जमकट्टेलका प्रमुख राजनीतिक सल्लाहकार समेत रहेका चाँगुनारायण क्षेत्रका बौद्धिक नेता डिपी ढकालले बिहीवार बिहान भूमि पूजन गरेसंगै ढलान कार्यको शुभारम्भ भएको हो ।

    यस सडकलाई स्तरोन्नतिका लागि बागमती प्रदेश सरकारले रु २५ लाख बिनियोजन गरेको वडाध्यक्ष धनबहादुर लामाले जनाएका छन् । बिकासको पूर्वाधार नै सडक भएको भन्दै वडाध्यक्ष लामाले बजेटका लागि प्रदेश सरकार र पहलकर्ता नेता ढकाललाई धन्यवाद ज्ञापन गरेका छन् ।

    अभियन्ता दिनेश खनालले बौद्धिक नेता डिपी ढकाल बागमती प्रदेश सरकारको राज्यमन्त्री सरहको पदमा नियुक्त भई मुख्यमन्त्री शालिकराम जमकट्टेलका प्रमुख राजनीतिक सल्लाहकार हुँदा प्रदेश सरकारमा चाँगुनारायणको पहुँच वृद्धि भएको बताएका छन् । भिजन भएका नेता ढकालका कारण यो क्षेत्र प्रदेश सरकारको प्राथमिकतामा परेको उनले बताए ।

    त्यस्तै निर्माण व्यवसायी सन्दीप राज गिरीले निर्माण कार्यमा कुनै कमजोरी नगर्ने प्रतिवद्धता प्रकट गर्दै ढलान कार्यलाई व्यवस्थित रुपले सम्पन्न गर्ने बताएका छन् ।

    उक्त अवसरमा बागमती प्रदेश सरकारका मुख्यमन्त्री शालिकराम जमकट्टेलका प्रमुख राजनीतिक सल्लाहकार समेत रहेका नेता ढकालले आफूले चाँगुनारायणको बिकास र सम्वृद्धिको लागि कुनै कसर बाँकी नराख्ने बताए । भौतिक बिकाससंगै आर्थिक सम्वृद्धि जोडिएको जिकिर गर्दै उनले सडकले सुविधा दिने मात्र नभई कृषी र पर्यटनलाई पनि मद्दत गर्ने स्पष्ट पारे । चाँगुनारायणमा भौतिक पूर्वाधारको क्षेत्रमा प्रदेश सरकारले ब्यापक बजेट बिनियोजन गरी काम भैरहेको उनको भनाइ छ । त्यस्तै, बागमती प्रदेश भरी ४ वटा खोलामा करिडोर बनाउने योजना पर्दा चाँगुनारायणकै तीन वटा खोलामा करिडोर बनाउने योजना परेको उनले खुलासा गरे । चाँगुनारायणलाई पर्यटकीय गन्तव्यस्थल बनाउने देखि औद्योगिक ग्राम स्थापना गर्ने सम्मको योजना बागमती प्रदेश सरकारले अघि बढाएको उनले बताए ।

    अर्थराजनीतिका ज्ञाता समेत रहेका नेता ढकालले चाँगुनारायण फास्ट ट्रयाकलाई २० करोड श्रोत सुनिश्चित गरीएको जानकारी गराउदै   चाँगुनारायणबासीको आय आर्जन बढाउँन सामुहिक पहल र एकतामा दीगो आर्थिक लक्ष पछ्याउनुपर्ने आवश्यकता समेत औल्याएका छन् ।

    कार्यक्रममा जनप्रतिनिधिहरु, राजनीतिक दलका प्रतिनिधिहरु र स्थानीयहरुको सहभागिता रहेको थियो । उक्त अवसरमा नगरकोट बेसिटोल – सुनटोल पूल बनाउने विषयमा स्थलगत निरीक्षण समेत गरिएको बिनोद लामिछानेले बताए ।

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...