भक्तपुर पोष्ट संवाददाता भक्तपुर, २१ फागुन २०८०
भक्तपुर, २१ फागुन २०८०उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट बस्ने नविना बुढाथोकी पक्राउ परेकी छन् । ३२ वर्षिया बुढाथोकीलाई ठगी आरोपमा प्रहरीले पक्राउ गरेको छ ।
विजय राईलाई वैदेशिक रोजगारीको लागि कतार पठाईदिन्छु भनी रकम ठगेको आरोपमा उनलाई प्रहरीले पक्राउ गरेको हो ।
कतार पुलिसमा काम लगाइदिने र त्यहाँ मासिक १ लाख रुपैयाँ तलव हुने प्रलोभनमा पारी रु. ५ लाख ६० हजार रुपैयाँ लिई उनी सम्पर्क विहीन भई ठगी गरेको देखिएको प्रहरीको दावी छ । बुढाथोकीलाई थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाईएको प्रहरीले बताएको छ ।