भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर थिमी नगरपालिका वडा नं. ९ राधेराधेस्थित हनुमन्ते खोलामा इलामका २६ वर्षीय छत्र थापा मृत अवस्थामा फेला परेको हो।

ईलाम नगरपालीका वडा नं. ३ मा स्थाई घर भएका थापा हाल काठमाडौँको कोटेश्वर तिनकुनेमा बस्दै आएका थिए । खोलाको बिचमा बा. ८६ प. ९७३० नं. को स्कुटी सहित मृत अवस्थामा एक व्यक्ति रहेको जानकारी पछि अनुसन्धान थालिएको प्रहरीले जनाएको छ।

प्रहरीका अनुसार घटना स्थल नजिक रहेको प्रहरी वृत ठिमी भक्तपुरबाट अनुसन्धान अधिकृत सहितको प्रहरी टोलि खटिई गई प्रारम्भिक अनुसन्धान गरिएको छ। शव पोष्टमार्टमको लागि के.एम.सी. दुवाकोट अस्पताल लगिएको र घटनाको सम्बन्धमा थप अनुसन्धान कार्य भइरहेको प्रहरीले जनाइएको छ।