भक्तपुरपोस्ट संवाददाताभक्तपुर, २२ फागुन २०८०
भक्तपुर, २२ फागुन २०८०भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र प्रसाद लिबिको घरमा भाडा लिई प्रदिप थापाले संचालन गरेको पुष्पराम बाराही मेडिकलमा आगलागी भएको हो ।
बिहान करिब साढे ५ बजे करेन्ट शर्ट भइ आगलागी भएको बताइएको छ । आगलागी बाट सो मेडिकलमा रहेका औषधिजन्य सामान, र्याक, दराज, ग २० प ६२३१ नम्बरको बाईक, ग २२ प ७८४ नम्बरको स्कुटर जलि नष्ट भएको देखिएको छ । लाखौंको समान नस्ट भएको तर कुनै मानवीय क्षती नभएको प्रहरीको भनाइ छ । यकीन मूल्यांकन भने भैरहेको छ ।
जुद्ध बारुण यन्त्रको सहयोगमा स्थानीय र प्रहरीले आगो निभाएका छन् । करिब पौने घण्टामा आगो पूर्ण नियन्त्रणमा आएको जुद्ध बारुण यन्त्र कार्यालय भक्तपुरले जनाएको छ ।