News Portal

  • आफूले गठबन्धन नतोड्ने सांसद थापाको उद्घोष

    राजेशमान मानन्धर भक्तपुर, २९ फागुन २०८०
    २१८ पटक
    भक्तपुर, २९ फागुन २०८०

    भक्तपुर निर्वाचन क्षेत्र नम्बर २ का प्रतिनिधि सभा सदस्य एवं नेपाली काँग्रेस भक्तपुरका सभापति दुर्लभ थापाले नेकपा(माओवादी केन्द्र) र नेकपा (एकीकृत समाजवादी)संग आफ्नो सहकार्य जारी रहने जनाएका छन् । केन्द्रमा गठबन्धन टुटेपनि जिल्लामा आफूले गठबन्धन नतोड्ने उनले बताएका हुन् ।

    लोकतान्त्रिक बाम गठबन्धनको तर्फबाट उम्मेदवार भई प्रतिनिधि सभा सदस्य निर्वाचित भएको भन्दै उनले आफू एक्लै हिडे मतदातामाथि अन्याय हुने बताए । आफ्नो कार्यकाल अझै ४ वर्ष रहेको र यसबीच लोकतान्त्रिक बाम गठबन्धनको तर्फबाट गरिएका चुनावी घोषणा र प्रतिबद्धता पूरा गर्नु आफ्नो कर्तब्य भएको उनको भनाइ छ । सांसद थापाले निर्वाचनमा जनतासामू गरिएका बाचा पूरागर्न सहमती र सहकार्यको आवश्यकता औल्याउदै भक्तपुरमा आफूले यसलाई निरन्तरता दिने दावी गरे ।

    नेपाली काँग्रेसले प्रधानमन्त्री प्रचण्डलाई बिश्वस्त पार्न नसक्नु र प्रधानमन्त्रीले पनि अस्थिर चरित्र देखाउनु दुर्भाग्यपूर्ण भएको उनको भनाइ छ । गठबन्धन हेरफेरले जनतालाई निराशा मात्र दिएको उनले दावी गरेका छन् । यसले राजनीतिक अस्थिरता बढाएको उनले जिकिर गरे ।

    बाम लोकतान्त्रिक गठबन्धनको प्रचण्ड सरकार रहिरहेको भए सांसद थापा मन्त्रीका दावेदार थिए । सभापति देउवा निकट मानिने उनी मन्त्रीमंडल हेरफेर हुँदा मन्त्री बन्ने लिस्टमा रहेका थिए ।

    निकटत्तम प्रतिस्पर्धी रहेका पूर्व मन्त्री एवं नेकपा एमालेका पोलिटब्युरो सदस्य महेश बस्नेतलाई पराजित गर्दै थापा प्रतिनिधि सभा सदस्य निर्वाचित भएका हुन् । यस अघि बाम गठबन्धनका तर्फबाट उम्मेदवार भई एमालेका नेता बस्नेत प्रतिनिधि सभा सदस्य निर्वाचित भएका थिए ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...