News Portal

  • थिमि चारदोबाटोको आकासे पुल अलपत्र परेपछि काँग्रेस निकट युवा विद्यार्थी आन्दोलित

    भक्तपुर पोष्ट संवाददाता मध्यपुर थिमि, २० चैैत २०८०
    ६१७ पटक
    मध्यपुर थिमि, २० चैैत २०८०

    नेपाली कांग्रेस निकट भक्तपुरका युवा तथा विद्यार्थीहरुले मध्यपुर थिमिस्थित चार दोबाटोमा बिरोध प्रदर्शन गरेका छन् । चारदोबाटो स्थित ६ लेन सडकमा आकासे पुल अलपत्र परेको भन्दै उनीहरुले बिरोध प्रदर्शन गरेका हुन् ।

    मंगलवार बिहान नेविसंघ र तरुण दलका कार्यकर्ता भेला भै चारदोबाटोमा बिरोध प्रदर्शन गरेका स्थानीय कांग्रेस नेता उमेश कायस्थले बताए । प्रदर्शनकारीहरुले सडक छेउमा उभिएर प्ले कार्ड र नाराबाजी गर्दै वर्षौ अघि निर्माण शुरु भएर आकासे पुल बन्न नसकेकोमा आक्रोश प्रकट गरेका छन् ।

    नेविसंघका नेता बद्री थापाले काम सम्पन्न नगर्ने निर्माण व्यवसायी र सम्बद्ध पक्षलाई चार दोबाटोमै कालोमोसो दल्ने चेतावनी दिएका छन् भने तरुण दलका नेता राजु थापाले आफूहरुको प्रदर्शन सम्बन्धित निकायलाई सचेत ध्यानाकर्षण भएको र अझ बेवास्ता गरे ससक्त आन्दोलन गरिने बताए ।

    आन्दोलनको समन्वय गरेका युवा नेता एवं सांसद दुर्लभ थापाका स्वकीय सचिव सुभाशिष ढकालले चार दोबाटोमा सडक दुर्घटनाबाट ४ जनाले ज्यान गुमाएका र दर्जनौ पैदल यात्रु दुर्घटनामा परेका जानकारी गराउदै आकासे पुल निर्माण सम्पन्न नगर्नु जनता माथिको अपराध भएको आरोप लगाए ।

    निर्माण व्यवसायी राम शरण देउजाको निर्माण कम्पनीले उक्त आकासे पुलको निर्माण ठेक्का लिएको भएपनि वर्षौदेखि एक किनारको खम्बा मात्र तयार भएको छ ।

    कोटेश्वर-सूर्यविनायक-धुलिखेल सडक बिस्तार आयोजनाका प्रमुख राजेन्द्रप्रसाद दासले भने उक्त विषयमा आफूले पहल गरिरहेको प्रतिक्रिया दिएका छन् । सम्बन्धित निर्माण व्यवसायीलाई ताकेता गरिएको र उक्त आकासे पुल शिघ्र निर्माण सम्पन्न गरिने उनले जानकारी गराएका छन् ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...