भक्तपुर, २६ चैत २०८०काभ्रेपलान्चोकको रोशी गाउँपालिका-४ डाँडागाँउमा आगलागी हुँदा २४ चौपायाको ज्यान गएको छ । आगलागीमा परी २३ वटा बाख्रा र एउटा बंगुरको जलेर ज्यान गएको प्रहरीले जनाएको हो ।
सोमबार साँझ करिब साढे ६ बजेको समयमा पिप्सेगैरा सामुदायिक वनमा लागेको आगो अचानक कुल बहादुर ईस्माली मगरको घर र गोठमा सल्कदा गोठमा बाँधिएका २३ वटा बाख्रा र एउटा बंगुर जलेर ज्यान गएको डिएसपी राजकुमार श्रेष्ठले जानकारी दिए ।
आगलागीमा कुनैपनि मानवीय क्षती भने नभएको उनको भनाइ छ ।
साथै, घर भित्र रहेको अन्नपात , लत्ताकपडा , भाँडाबर्तन, २ तोला बाराबरको सुनको गरगहना र नगद रु ५५ हजार समेत जली घर र बाख्राको गोठ पुर्ण रुपमा नष्ट भएको छ ।
स्थानीय र प्रहरीको सहयोगमा आगो निभाउने कार्य भई रहेको र क्षतीको विबरण खुल्न बाँकी रहेको बताइएको छ ।
सच्याइएको : शिर्षकले भ्रम उत्पन्न गरेकाले सच्याइएको छ । -सम्पादक
