News Portal

  • मध्यपुरमा मेयर्स फोरमको बैठक, अख्तियारमाथि आक्रोशै आक्रोश

    भक्तपुर पोष्ट संवाददाता भक्तपुर, २८ बैशाख २०८१
    २१६ पटक
    भक्तपुर, २८ बैशाख २०८१

    भक्तपुरको मध्यपुर थिमि नगरपालिकाको आतिथ्यतामा उपत्यका मेयर्स फोरमको ८ औं बैठक सम्पन्न भएको छ । शुक्रवार गठ्ठाघरस्थित जर्मन होम्समा सो बैठक सम्पन्न भएको हो ।

    मेयर्स फोरममा मेयरहरुले अख्तियार दुरुपयोग अनुसन्धान आयोगले अनावश्यक हस्तक्षेप गरिरहेको जिकिर गर्दै आक्रोश पोखेका श्रोतले जनाएको छ । अख्तियारले नै आफ्नो अधिकारको दुरुपयोग गर्दै स्थानीय तहलाई काम गर्न नदिएको भन्दै उनीहरुले आक्रोश पोखेका हुन् ।

    अख्तियार दुरुपयोग अनुसन्धान आयोगले प्रारम्भिक अनुसन्धान नै नगरी पत्र काट्ने, बोलाउने र धम्काउने जस्ता कार्य गर्ने गरेको भन्दै यसको दीर्घकालीन समाधान खोज्नुपर्नेमा मेयर्स फोरममा कुरा उठेको हो  ।यी लगायत बिबिध विषयमा प्रधानमन्त्रीसँग भेटेर ध्यानाकर्षण  गराउने निर्णय बैठकले निर्णय गरेको एक सहभागीले जानकारी गराएका  छन् ।

    त्यस्तै बैठकमा स्मार्ट सिटी बनाउने भनेर जग्गा रोक्ने मात्र कार्य भएको भन्दै त्यसको निकासका लागि पहल गर्नुपर्ने आवश्यकता समेत औल्याइएको बताइएको छ । बैठकले स्मार्ट सिटीको नाममा जग्गा रोक्का फुकुवा गर्न माग गरेको बताइएको छ । त्यसैगरी अर्थमन्त्रीसँग भएको समझदारी विपरीत नेपाल विद्युत प्राधिकरणले विद्युत लाईन काट्न पत्राचार गरेको र केहि नगरपालिकामा लाईन काटिएको प्रति आपत्ति प्रकट गरिएको छ ।

    त्यस्तै, बैठकले स्थानीय सरकार सञ्चालन ऐनको संशोधन सम्बन्धमा गृहकार्य गरेर सरकार लाई बुझाउने र स्थानीय तहका समस्या बारे जानकारी गराउने निर्णय गरेको बताइएको छ ।

    बैठकमा काठमाडौं महानगरका मेयर बालेन्द्र साह अनुपस्थित रहेका थिए । भक्तपुर नगरका मेयर सुनिल प्रजापति पनि बैठकमा अनुपस्थित रहे । बैठकमा जिल्लाका अन्य मेयर र उपमेयरले भने सक्रियतापूर्वक भाग लिएका देखिन्थे । उपत्यका मेयर्स फोरममा सूर्यविनायक नगरपालिकाका मेयर बासुदेव थापा र मध्यपुर थिमिका मेयर सुरेन्द्र श्रेष्ठ पदाधिकारीको जिम्मेवारीमा छन् भने चाँगुनारायणका मेयर जीवन खत्री सदस्य हुन् । यो उपत्यकाका ३वटै जिल्लास्थित पालिका प्रमुखहरुको फोरम हो ।

    आजको बैठकमा फोरमका अध्यक्ष एवं ललितपुर महानगरका मेयर चिरिबाबु महर्जनले फोरमलाई विधिवत दर्ता गरी प्रमाण पत्र प्राप्त गरिएको जानकारी पनि गराएका छन् ।

    (मेयर्स फोरमका निर्णयहरु अपडेट गरिएको)

     

    प्रतिकृया दिनुहोस्

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...

    उपप्रधान तथा गृहमन्त्री लामिछानेको भक्तपुरमा १ रोपनी जग्गा

    सरकारका उपप्रधान तथा गृहमन्त्री रवि लामिछानेको भक्तपुरमा १ रोपनी १ आना पैतृक सम्पत्ति रहेको छ...

    कान्तिपुर मिडिया ग्रुपका अध्यक्ष कैलाश सिरोहिया पक्राउ

    कान्तिपुर मिडिया ग्रुपका अध्यक्ष कैलाश सिरोहिया पक्राउ परेका छन् । सिरोहियालाई नागरिकता कीर्ते आरोपमा प्रहरीले...

    भक्तपुरमाथि विभेद भएको छ : मेयर प्रजापति

    आदरणीय नगरबासी दाजुभाइ तथा दिदीबहिनीहरू, दोस्रो कार्यकालको निम्ति हामी निर्वाचित भएर बहाली भएको आज दुई...