भक्तपुरका व्यवसायी सुवास बासुले मोबाइल हराउन नदिने एप्लिकेशन भित्राएका छन् । उनले भारतमा लोकप्रिय रहेको ‘एन्टी थेफ़्ट मोबाइल ट्रयाकर’ एप्लिकेसन नेपाल भित्राएका हुन् ।

शनिवार राजधानीमा एक पत्रकार सम्मेलन गर्दै मोबाइल हराउन नदिने ‘सफर एटिएमटीप्रो नेपाल’ नामको मोबाइल एप्लिकेसन सार्वजनिक गरिएको हो । सेफर इनकर्पोरेसन प्रालिले नेपालमा सो एपले काम गर्न शुरु गरेको जानकारी गराएको छ ।

उक्त मोबाइल एपमा मोबाइल हराउन नदिने र हराएमा भेट्टाउँन मद्दत मिल्ने गरी टेक्नोलोजी भएको सेफर इनकर्पोरेसन प्रालिका प्रवन्ध निर्देशक सुवास बासुले बताएका छन् । मोबाइलले साइरन बाट जनाउ दिने देखि मोबाइल लिने व्यक्तिको फोटो र स्थान(लोकेसन)समेत आफूले रोजेको अर्को नम्बरमा पठाएर मोबाइलको सुरक्षा गर्ने उनले दावी गरेका छन् ।’एप्लिकेसनमा मोसन थेफ़्ट सेन्सर,रिमोट कन्ट्रोल र अटोमेटिक एलर्टले मोबाइलको सुरक्षा गर्छ ।’ उनले भने ।

सो अवसरमा उक्त मोबाइल एप्लिकेसन निर्माता भरतीय कम्पनीको समेत प्रतिनिधित्व रहेको थियो । निर्माता कम्पनीले मोबाइल एप्लिकेसन पूर्ण सुरक्षित रहेको र यसले मोबाइल चोरी लाई नियन्त्र गर्ने र मोबाइल हराउदा त्यसमा रहेका डेटा हराएर हुने हैरानी बाट पनि बचाउने जिकिर गरेको छ ।एप्लिकेसनमा कुनै प्रचार सामाग्री नदेखिने समेत निर्माता कम्पनीको भनाइ छ । भारत बाहेक बंगलादेश र भुटान लगायत देशमा समेत एप लोकप्रिय रहेकोले निश्चिन्त भएर प्यायोग गर्न कम्पनीले प्रेरित गरेको छ ।

सफर एटिएमटीप्रो नेपाल डाउनलोड गर्न ब्याट सहित १ हजार २ सय ७३ रुपैया तिर्नुपर्ने पत्रकार सम्मेलनमा प्रष्ट पारिएको छ । एप्लिकेसनको मूल्य लिइएकोले अन्य सस्ता एप्लिकेशन जस्तो यसको प्रयोगमा जोखिम नरहेको कम्पनीको दावी छ ।

पत्रकार सम्मेलनको संयोजन भने इभेन्ट म्यानेजमेन्ट गर्ने संस्था राजरागिनी इन्टरटेन्मेण्टले गरेको थियो कार्यक्रम संचालन संचारकर्मी एवं गायक कपिल कस्पालले गरेका थिए ।