News Portal

  • सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    भक्तपुर पोष्ट संवाददाता भक्तपुर, १० जेठ २०८१
    २०९ पटक
    भक्तपुर, १० जेठ २०८१

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष कैलास सिरोहियाको पक्षमा उभिएका छन् । रफत सञ्चार क्लबमा बिहीबार बोल्दै उनले सरकारका उपप्रधान एवं गृहमन्त्री रवी लामिछानेले कान्तिपुर मिडियामाथि प्रतिसोध साधेर अध्यक्ष सिरोहियालाई पक्राउ गरेका बताएका हुन् ।

    ”कान्तिपुरमाथिको हस्तक्षेप निकृष्ट र आपत्तिजनक छ, म त्यसको भर्त्सना गर्दछु ।” उनले भने ।

    सर्वोच्च अदालतले समेत गिरीबन्धु टी-स्टेट प्रकरणमा एमाले अध्यक्ष केपी शर्मा ओलीलाई नीतिगत रुपमा दोषी देखाएपछि यो प्रकरण छाँयामा पार्न कान्तिपुर मिडिया ग्रुपका अध्यक्ष सिरोहियालाई पक्राउ गरिएको उनले दावी गरेका छन् ।

    कांग्रेस लोकतन्त्र र पूर्ण प्रेस स्वतन्त्रताको पक्षमा रहेको भन्दै सांसद थापाले सत्ताको दुरुपयोग सह्य नहुने चेतावनी समेत दिएका छन् । सम्पूर्ण लोकतान्त्रिक शक्ति एक भएर कलम भाच्न खोज्नेहरुको प्रतिकार गर्नुपर्ने उनको भनाइ छ ।

    सरकारको डर धम्की र त्रासबाट काँग्रेस बिचलित नबन्ने भन्दै नेपाली काँग्रेसका जिल्ला सभापति समेत रहेका सांसद थापाले सहकारी वचत अपचलन गरेका गृहमन्त्री लामिछानेलाई कारवाहीको दायरामा ल्याउनबाट कांग्रेस पछि नहट्ने प्रष्ट पारेका छन् ।

    सांसद थापाले अहिलेकै निर्वाचन प्रणाली र यही कार्यशैली विद्यमान रहेसम्म कुनैपनि दलको बहुमत नआउने बताउदै राजनीतिक अस्थिरता अन्त्यका लागि संविधान संशोधन गर्नपर्ने आवश्यकता समेत औंल्याएका छन् ।

    सांसद थापाले संसदमा सत्तापक्षले प्रतिपक्षको अस्तित्वलाई नजर अन्दाज गरेको गुनासो गरे । उनले प्रतिनिधिसभाका सभामुख देवराज घिमिरेको भूमिकामाथि पनि प्रश्न गर्दै उनी एमाले कार्यकर्ताकै शैलीमा प्रस्तुत हुने गरेका आरोप लगाएका छन् ।

    त्यसैगरी केही दिन अघि प्रतिनिधिसभाको बैठकमा पूर्व प्रधानमन्त्री समेत रहेका एमालेका अध्यक्ष केपी शर्मा ओलीले कांग्रेसका सांसदहरूप्रति अभद्र व्यवहार देखाएको आरोप लगाउदै उनले ओली अहिले गिरिबन्धु भ्रष्टाचार काण्डबाट अत्तालिएर अराजक हुदै गएका जिकिर गरे ।

    उनले प्रधान मन्त्री प्रचण्डले पनि कांग्रेसको गुनको बदलामा बैगुन गरिरहेका गुनासो गरेका छन् । प्रचण्डलाई अब कांग्रेसले राम्रै पाठ पढाउने पनि उनले टिप्पणी गरे ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...