भक्तपुर, २० जेठ २०८१नेपाल प्रहरीले प्रहरी नायव महानिरीक्षक दान बहादुर कार्कीलाई केन्द्रीय प्रवक्ता एवम् सूचना अधिकारी तोकेको छ । प्रधान कार्यालय प्रहरी महानिरीक्षकको सचिवालयका उनलाई नेपाल प्रहरीको प्रवक्ता एवम् सूचना अधिकारी तोकिएको हो ।
नेपाल प्रहरीद्वारा सम्पादित जनसरोकारका काम कारवाहीलाई यथार्थ तथा तथ्यगत रूपमा सञ्चार माध्यमहरूमा सम्प्रेषण गर्नका लागि प्रहरी नायव महानिरीक्षक दान बहादुर कार्कीलाई केन्द्रीय प्रहरी प्रवक्ता एवम् सूचना अधिकारी तोकिएको प्रहरी महानिरीक्षकको सचिवालयले जनाएको छ ।
प्रहरी नायव महानिरीक्षक कार्कीलाई ९८५१२९२१११ र ईमेल ठेगाना [email protected] मा सम्पर्क गर्न सकिने बताइएको छ । प्रहरी नायव महानिरीक्षक कार्कीले यसअघि प्रहरी वरिष्ठ उपरीक्षक पदमा कार्यरत रहँदा पनि नेपाल प्रहरीको केन्द्रीय प्रहरी प्रवक्ता एवम् सूचना अधिकारीको जिम्मेवारी सम्हाल्ने अवसर पाएका थिए ।
